EKITABO
KY’ENSAMBO
Enhandhula
Mu Kitabo ky’Ensambo, n’omwasolozebwa endhogera enhimpiyimpi n’ensambo edh’amagezi edheegeresa ku ngeri abantu ye bagwaniire okwebisaamu eri Katonda n’eri bantu banaibwe.
Ebisinga bungi ebiri mu kitabo kino byagaanibwa mu bulamu obwabuliidho. Ekitabo kitoolera na kutukobera kiti: “Omuntu okuba n’obumanhi asooka na kutya Musengwa Katonda.” Olwo kyayogera ku bigema ku Katonda ni ku ngeri ey’okwebisaamu obukalamu mu bantu.
Mu ndhogera enhimpiyimpi kamaala edhiri mu kitabo kino mulimu edhooleka Abaisiraeli ab’eira abaayegeresanga, ebyo bye baasuubiranga mu muntu omugezi, okuba nga by’agwaniire okukola mu mbeera y’aba nga yeeyagainemu. Edhindi dhoogera ku bya mu maka, ate edhindi ku bya mirimo. Edhindi dhigema ku nkolagana y’omuntu n’abandi, ate edhindi dhaakoba omuntu nga bw’agwaine okwefuga. N’edhindi dhigema ku buguminkiriza, n’obuwombeefu, n’okuta mu baavu ekinhagansi, n’omuntu okuba omwesigwa eri baine.
Ebirimu nga bwe biiraganwaku
Okusaaka amagezi 1:1—9:18
Ensambo dha Solomoni 10:1—29:27
Aguru bye yayogera 30:1-33
Endhogera edhindi 31:1-31