9
Abantu baatula ebibi byaibwe
1Ku lunaku olwamakumi abiri n’eina (24) olw’omwezi gwene ogwo, Abaisiraeli beesoloza, baasiiba nga tibaliire, nga bavaire ekutiya era nga beefuse n’enkungu mu mitwe, olw’ebibi byaibwe okubanakughaza. 2Agho Abaisiraeli abo, nga beeyawire ku bamaghanga agandi, baayemerera okwatula ebibi byaibwe n’ebyonoono bya badhaadha baibwe. 3Baayemerera batyo okumala esaawa ng’oti isatu, nga bawulirisa Amateeka ga Musengwa Katonda waibwe ge baali bali kubasomera. Baamala esaawa ng’oti isatu edhindi nga baatula ebibi byaibwe era nga basinza Musengwa Katonda waibwe.
4Abalevi bano: Yeshua, Bani, Kadimieli, Shebania, Bunni, Sherebia, Bani, ni Kenani, baayemerera ku madaala g’Abalevi, baasaba Musengwa Katonda waibwe mu mamiro ag’amaani.
5Agho Abalevi bano: Yeshua, Kadimieli, Bani, Hashabuneia, Hodia, Shebania, ni Pethahia, baakoba abantu bati:
“Mwemerere musaake Musengwa Katonda waimwe;
mumusaakenga ebyanda n’ebyanda.
Eriina lye ery’ekitiisa lisaakibwenga,
eriswikiriire okusaaka okw’abantu kwonakwona.”
6Ezera yaakoba ati:
“Wo Musengwa Katonda, niiwe wenka eyatonda eigulu,
n’ebiri ghaigulu mu ibbanga byonabyona.
Niiwe eyatonda ensi n’ebigirimu byonabyona.
Waatonda n’enhandha n’ebigirimu byonabyona,
era byonabyona waabigha obulamu.
Ebiri mu igulu byonabyona bikusinza.
79:7: Mainh 11:31; 12:1; 17:5 Niiwe Musengwa Katonda, Katonda oyo eyalonda Aburamu,
n’omutoola mu Uri ensi ey’Abakaladea,
n’omutuuma Aburahamu.
89:8: Mainh 15:18-21 Wamubona ng’omwoyo gwe mwesigwa y’oli,
waakola naye endagaano.
Waasuubiza okugha baidhukulu be,
ensi ey’Abakanaani, n’Abahitti, n’Abamori,
n’Abaperizzi, n’Abayebusi, n’Abagirigashi.
Era waatuukiriza kye wasuubiza, kuba oli mutukuvu.
99:9: Kuv 3:7; 14:10-12 Wabona okudaazibwadaazibwa kwa badhaadha baife nga bali mu Misiri,
era waabawulira bwe baakulirira nga bali ku Nhandha Emyufu.
109:10: Kuv 7:8—12:32 Wakola ebyewuunhio n’ebyewuninkiriza eri kyabazinga w’e Misiri,
n’eri abakungu be boonaboona, n’abantu b’omu nsi ye,
kuba wamanha nga bwe baatuntuza badhaadha baife.
Agho weekolera eriina erikaaligho ni ye buli eno.
119:11: Kuv 14:21-29; 15:4-5 Waleetera amaadhi g’enhandha okweyawulamu aghabiri,
Abaisiraeli baabita ghagati mu nhandha ku itaka eikalu.
Abo abaali bali kubabingirira waabasuula mu maadhi amaleeyi,
ng’oti n’amabaale bwe gadimira mu maadhi amangi einho.
129:12: Kuv 13:21-22 Omusana wabakulemberangamu ng’oli mu kire ekiri ng’oti mpango
ate obwire waabanga mu muliro oguli ng’oti mpango, okubamuliikirira engira ye babe babitemu.
139:13-14: Kuv 19:18—23:33 Wava mu igulu waika ku lusozi Sinai,
waayogera nabo, waabagha endhegeresa entuufu, ey’amateeka n’ebiragiro eby’amazima.
14Wabeegeresa okukuumanga olunaku lwo olwa Sabbato nga lutukuvu,
waabagha ebiragiro byo n’amateeka go ng’obita mu mugheereza wo Musa.
159:15: Kuv 16:4-5; 17:1-7; Ma 1:21 Wabagha emere okuva mu igulu okubawonia endhala,
era waabagha amaadhi okuva mu lubaale okubawonia endiwo.
Waabakoba baje batoole ebiketezo bye wasuubiza okubagha,
bibe ebyaibwe ku bwaibwe.
169:16-17: Kub 14:1-4; Ma 1:26-33 Aye badhaadha baife beekuluntaza, baakalangusa emyoyo gyaibwe,
baaloba kugondera biragiro byo.
179:17: Kuv 34:6; Kub 14:18 Baaloba kuwulira na kwidhukira
ebyewuninkiriza bye wabakolamu.
Baakalangusa bwa myoyo gyaibwe,
baataagho omuntu abakulembere
abaizeeyo mu bwiru e Misiri.
Aye iwe oli Katonda asonigha, ekiseera kyonakyona.
Oli wa kivunika, osaasira, era olwagho okusungughala.
Era olw’okuba iwe obagonza inho obutalekera,
tiwabalekulira agho.
189:18: Kuv 32:1-4 Beekolera ekifaananie eky’ente ento enume mu kyuma ekisaanuusiibwa,
baakoba bati: ‘Isiraeli, ono ni katonda wo eyakutoola mu Misiri.’
Era baakola ebintu kamaala ebikunhoomesa.
199:19-21: Ma 8:2-4 Aye iwe olw’okusaasira kwo okungi
tiwabalekulira agho nga bali mu irungu.
Tiwabatoolaku kire ekiri ng’oti mpango,
ekyabakulemberangamu omusana,
waire okubatoolaku omuliro oguli ng’oti mpango, ogwabamuliikiriranga obwire
engira ye babe babitemu.
20Wabagha omwoyo gwo omulungi gubagalagirenga eky’okukola.
Tiwalekeraku kubaghanga mannu kulya, era waabaghanga amaadhi okubawonia endiwo.
21Wabakuuma okumala emyaka amakumi ana (40) nga bali mu irungu,
nga ghazira kye badhulirira.
Ebivaalo byaimwe tibyakairighaku
waire ebigere okubazimbaku.
229:22: Kub 21:21-35 Wabagha okughangula bakyabazinga
n’amaghanga agandi agabeezungulwire.
Baatwala ensi ya Sihoni kyabazinga w’e Heshiboni,
n’eya Ogi kyabazinga w’e Bashani, dhaaba dhaibwe ku bwaibwe.
239:23: Mainh 15:5; 22:17; Yosh 3:14-17 Wabagha abaidhukulu kamaala, baayala ng’oti n’emuunienie edh’oku igulu,
waabatuusa mu nsi ye wakoba badhaadha baibwe batwale ebe eyaibwe ku bwaibwe.
249:24: Yosh 11:23 Kale abaidhukulu abo bangira mu nsi eyo, baagitwala yaaba yaibwe ku bwaibwe.
Waabaghangulira Abakanaani abaali abatyamye baamu.
Bakyabazinga Abakanaani n’abantu baibwe,
waabata mu ngalo dh’abaidhukulu abo, okubakola kye benda.
259:25: Ma 6:10-11 Abaidhukulu abo baanhaga ebibuga ebyezungulwirwa ebimante ebigumu
baatoola eitaka eigimu n’endhu edhiidhwire ebintu ebirungi;
baatoola ensulo ensime, amasamba ag’emizabbibu, n’ag’emiti emyoliva,
n’ag’emiti egindi egy’ebibala kamaala.
Kale baalyanga baigutanga era baageedha,
beesanhukiza ku birungi ebingi bye wabagha.
269:26-28: Balam 2:11-16 9:26: Mag 2:10-20 Aye abantu bo abo baakudheemera,
baalobanga kukuwulira, baava ku Mateeka go.
Baita abalanzi bo abaabalabulanga
okubakyusa baire y’oli.
Baakola ebintu kamaala ebikuvumagania.
27Kye wava n’obaghaayo mu ngalo edh’abazigu baibwe, abaabadaazadaaza.
Nga bali mu kudaagadaaga batyo, baakulirira,
waabawulira ng’oli mu igulu.
Era olw’okusaasira kwo okungi einho, waabagheerezanga abanunuzi
abaabanunulanga okuva mu ngalo dh’abazigu baibwe.
28Bwe baafunangamu emiraala, nga kabiri bairamu okwonoona.
Era waabalekuliranga agho, abazigu baibwe baabafuganga.
Ate bwe baakyukanga ni bakulirira,
waabawuliranga ng’oli mu igulu.
Emikuzi kamaala waabanunulanga olw’okusaasira kwo okutaloodheka.
299:29: Lev 18:5 Waabalabulanga, basobole okukyuka bagondere amateeka go.
Aye beekuluntaza, baaloba kugondera biragiro byo, baakola bukole bibi.
Ate nga mu kutuukiriza ebiragiro omuntu mw’afunira obulamu.
Aye baakolanga bwa mpwitu era baakalangusanga emyoyo gyaibwe, baaloba kukugondera.
309:30: 2 Bakyab 17:13-18; 2 Byom 36:15-16 Waabaguminkiriza emyaka kamaala,
era waata omwoyo gwo mu balanzi bo baje babalabule,
aye nga basembye amatu gaibwe.
Kyewava n’obaghaayo mu ngalo edh’abamaghanga agandi.
31Aye era olw’okusaasira kwo okutaloodheka,
tiwabalekulira agho waire okubazikiriza,
kuba oli Katonda wa kivunika era asaasira.
329:32: 2 Bakyab 15:19, 29; 17:3-6; Ezer 4:2, 10 Wo Katonda waife omukologho,
oli w’amaani era wa ntiisa.
Iwe okuuma endagaano era waagonza abantu obutakoma.
Agho ni, ebizibu byonabyona ebyatwidhira,
ife ni bakyabazinga baife, n’abakungu baife, ni bakabona baife, n’abalanzi baife,
ni badhaadha baife, n’abantu bo boonaboona,
okuviira irala ku byanda bya bakyabazinga ba Assiria, okutuusa ni ye buli eno,
otabitwala ng’ekintu ekitono.
33Aye ate, mu byonabyona ebyatutuukaku, iwe wali mutuufu okutubonereza,
kuba iwe wasigala ng’oli mwesigwa, aye ife twayonoona bwonoone.
34Bakyabazinga baife, n’abakungu baife, ni bakabona baife, ni badhaadha baife,
tibaagemanga Mateeka go,
oba okujiiranga ku biragiro byo, waire okufangayo ku kulabula kwo.
35Tibaakyuka ni bava ku bibi byaibwe kukugheereza,
waire nga mu bwakyabazinga bwaibwe wabagha ebirungi kamaala, baaba mu ensi engazi era engimu.
36Bona, mperaano tuli bairu bwiru mu nsi ye wagha badhaadha baife
okubangamu n’okulyanga ebibala byamu, n’ebirungi ebindi ebigirimu byonabyona.
37Bakyabazinga be wataagho okutufuganga,
n’abatwala ebyo ebiva mu nsi eyo, olw’okuba twayonoona.
Bali n’obuyinza okukola kye benda ku byayo byaife ni ku ife beene.
Kale tuli mu bughafu obutoogerekeka.”
Abantu bakola endagaano
38“Olw’ebyo byonabyona, kyetuva tuli kukola endagaano enkakafu mu bughandiike. Era abakungu baife, n’Abalevi baife, ni bakabona baife, bagitaireku ebinkumu byaibwe.”