AMAWULIRE AMALUNGI NGA BWE GAAGHANDIIKIBWA
MARIKO
Enhandhula
Mu kitabo kino eky’Amawulire Amalungi nga bwe gaaghandiikibwa Mariko, Mariko oyo atoolera ati: “Gano n’Amawulire Amalungi agagema ku Yesu Kurisito Omwana wa Katonda.” Ayoleka Yesu mu kifaananie eky’omuntu akoleragho ate ali n’obuyinza. Obuyinza bwe buno abwolekera mu ndhegeresa ye ng’alagira emizimu emibi okuva ku bantu eby’entaka, era yaakwolekera ni mu kusonigha abantu ebibi byaibwe. Yesu yeeyogeraku mwene ng’Omwana w’Omuntu eyaidha okugha abantu obulamu n’okubateekuluza okuva mu bibi.
Ebigema ku Yesu, Mariko abiromboodha ng’atuuka busimbalaala ku kintu ky’ali kwinhonhola, ate n’amaani. Amaani agasinga agata ku bintu Yesu bye yakolanga, se ti ku bibono bye yayogeranga oba ku ndhegeresa ye.
Mariko aghaayooku ebibono bitonotono ebyandhula Yoanne Omubatiza, yaayogeraku ku kubatizibwa ni ku kulebwa kwa Yesu, olwo ni yaaja butereevu ku mirimo gya Yesu egy’okuwonia n’okwegeresa kwe. Era ayoleka ati ekiseera bwe kyaja nga kyeyongera nga Yesu ali kukola ebyo, abaali nga bamujiiraku baaja nga beeyongera okumutegeera obukalamu, ate abaalinga nga bamutakania beeyongeramu enzigu. Enkenga edhifundikira n’edhoogera ku bintu Yesu bye yakola mu Sabbato, nkani enaku omusanvu edhaasembayo mu bulamu bwe ng’omuntu, era nga ebisinga bukulu n’okukomererwa kwe ku musalaba n’okuzuukira kwe.
Ekitabo kiwaaku mu ngeri ibiri edhitafaanana, era abeevu kamaala bakitwala nga tidhaaghandiikibwa Mariko mwene.
Ebirimu nga bwe biiraganwaku
Okwinhama okw’Amawulire Amalungi 1:1-13
Okugheereza kwa Yesu okw’omu bantu kamaala ng’ali e Galilaaya 1:14—9:50
Olugendo lwe okuva e Galilaaya okutuuka e Yerusalemu 10:1-52
Ebyali mu Sabbato eyasembayo ng’ali mu Yerusalemu ni ku lulaalo 11:1—15:47
Okuzuukira kwa Yesu 16:1-8
Okweyolekera abantu n’okuniina mu igulu okwa Musengwa eyazuukira 16:9-20