6
Okugabira abaavu
1“Mwegendereze ebikolwa byaimwe ebirungi obutabikola mu maiso ga bantu nga mwenda bababone, kuba bwe mukola mutyo timulifuna mpeera wa Iseimwe ali mu igulu.6:1: Mat 23:5
2“Kale ni bw’ogabiranga abaavu, otajanga ng’ofuuwa magwala, ng’abakuusa bwe bakola mu sinagoga ni mu nguudo, nga benda abantu babaghe ekitiisa. Bwenebwene mbakobera, nti empeera yaibwe bagifunie. 3Aye iwe bw’ogabanga, toganhanga mukono gwo mugooda kumanha musaadha kye gukola. 4Kityo ni ky’ogabye kyaba kya kyama era Lata wo abona eby’ekyama alikugha empeera.
Okwegeresa ku kusaba
(Luk 11:2-4)
5“Bwe mubanga nga musaba mutabanga ng’abakuusa kuba benda okusaba nga beemereire mu sinagoga ni mu maagaanana ag’enguudo, abantu bababone bwenebwene mbakobera nti empeera yaibwe bagifunie.6:5: Luk 18:10-14 6Aye iwe bw’obanga ng’osaba, ongiranga mu kisenge kyo waigalagho olwigi, memale ni waasaba Lata wo oyo ataboneka. Era Lata wo oyo abona eby’ekyama alikugha empeera.
7“Aye mu kusaba mutabalankananga ng’abatatya Katonda bwe bakola, kuba badhuuba bati mu bibono byaibwe kamaala mwe bawulirirwa. 8Kale ni mutafaanana ng’abo, kuba Iseimwe aidhi kye mwenda nga mukaali na kukisaba. 9Agho ni musabanga muti:
‘Iseife ali mu igulu,
eriina lyo litiibwe.
10Obwakyabazinga bwo bwidhe.
By’oyenda bikolebwe mu nsi nga bwe bikolebwa mu igulu.
11Tughe leero emere yaife eyabuliidho.
12Tusonighe ebibi byaife,
nga bwe tusonigha abatukola ebibi.
13Totutwala mu kulebwa,
aye tulokole mu bubi.’6:13 Ebighandiiko ebindi byongerezaaku biti: Kuba niiwe Kyabazinga, mwene buyinza era mwene kitiisa, ebyanda n’ebyanda. Amiina.
14“Bwe munaasonighanga abantu ebibi byaibwe Iseimwe ow’omu igulu mwena anaabasonighanga ebibi byaimwe.6:14-15: Mar 11:25-26 15Aye bwe mutaasonighenga bantu, ni Iseimwe taabasonighenga bibi byaimwe.
Okwegeresa ku kusiiba
16“Bwe musiibanga, mutadhuunianga ng’abakuusa: Kuba beeyonoona emboneka yaibwe baboneke mu bantu nga basiiba. Bwenebwene ka mbakobere, abo empeera yaibwe bagifunie. 17Iwe bw’osiibanga, osiiganga omutwe gwo omuzigo, era amaiso go oganaabanga, 18olobe kuboneka mu bantu ng’osiiba, aye Lata wo ali mu ngiso n’abe akubone oyo Lata wo abona eby’ekyama alikugha empeera.
Okubiika eby’obukombe mu igulu
(Luk 12:33-34)
19“Oteebiikiranga bya bukombe mu nsi muno, ebisiisa n’okutalaiga mwe bibyonoonera, n’abaibi mwe basima ni babiiba.6:19: Yak 5:2-3 20Mwebiikire eby’obukombe mu igulu, eyo ebisiisa waire okutalaiga ye kutabyonoonera, era abaibi ye batasima waire okwiba; 21kuba obukombe bwo ghe buli n’omwoyo gwo ghe guba.
Eitaala ery’omubiri
(Luk 11:34-36)
22“Eriiso n’eitaala ery’omubiri. Kale eriiso lyo bweriba eiramu, omubiri gwo gwonagwona gwidhula obutangaavu. 23Aye eriiso lyo bweriba eibi, omubiri gwo gwonagwona guba mu nzikiiza. Kale ni oba nga obutangaavu obuli mu iwe bufuuse nzikiiza, memale olwo enzikiiza yeene enaayaga gha?
Katonda n’eby’obufuni
(Luk 16:13; 12:22-31)
24“Ghazira asobola kugheereza basengwa babiri kuba, oba alikyagha mulala yaayenda owundi, oba aligumira ku mulala yaasambaadha owundi. Timusobola kugheereza Katonda ate na bya bufuni.
Okweta mu mikono gya Katonda
(Luk 12:22-31)
25“Kyenva mbakoba nti: muteeraliikiriranga mu bulamu bwaimwe kye munaalya oba kye munaanhwa, waire omubiri gwaimwe kye munaavaala. Obulamu ti bwa mughendo okusinga emere? N’omubiri ti gwa mughendo okusinga eby’okuvaala? 26Mubone enhonhi tidhirima mere, tidhikungula, tidhitereka mu byagi, aye Iseimwe ali mu igulu adhigha okulya! Imwe timuli ba mughendo y’ali okusinga enhonhi? 27Naani ku imwe, ni bwe yeeraliikirira atya, asobola okwongera akaseera ku bulamu bwe?
28“Eby’ebivaalo lwaki mubyeraliikirira? Mudhuubirize ku bimuli eby’omu nsiko nga bwe bikula: ghazira kye bikola waire kuluka ngoye. 29Aye ka mbakobere, waire Solomoni mu kitiisa kye kyonakyona tiyavaalanga ng’ekirala ku ebyo.6:29: 1 Bakyab 10:4-7; 2 Byom 9:3-6 30Kale oba Katonda avaaza atyo eisubi ery’omu nsiko eririgho leero ate enkyo ni lisuulibwa mu muliro, talisingagho kubavaaza, imwe abali n’okwikiriza okutono?
31“Kale ni muteeraliikiriranga nga mukoba muti tunaalya ki? Oba muti tunaanhwa ki? Oba muti tunaavaala ki? 32Abataidhi Katonda n’abanoonia ebyo imwe Iseimwe ali mu igulu aidhi ati ebyo byonabyona mubyenda. 33Kale ni musookenga kunoonia Bwakyabazinga bwa Katonda n’obutuufu bwe, era byonabyona biribongerwaku. 34Mulekenga ni kweraliikirira byaidho kuba olwaidho lulyeraliikirira ebyalwo, buli lunaku luli n’ebizibu ebirumala.