18
Naani asinga obubbede
(Mar 9:33-37; Luk 9:46-48)
1Mu kiseera kyene ekyo Abeegeresebwa baidha ye Yesu baamubuuza bati: “Naani asinga obubbede mu Bwakyabazinga obw’omu igulu?”18:1: Luk 22:24
2Yesu yaayeta omwana omuto, yaamuta ghagati ghaibwe, 3yaakoba ati: “Bwenebwene ka mbakobere okutoolaku nga mukyuse mwaba ng’oti baana bato, timughanga naire kwingira mu Bwakyabazinga bwa mu igulu.18:3: Mar 10:15; Luk 18:17 4Kale buli eyeisa n’afaanana ng’omwana omuto, oyo n’asinga obubbede mu Bwakyabazinga obw’omu igulu. 5Ate buli asangaalira omuto oti n’ono mu liina lyange, aba asangaalira nze.
Ebisendasenda okwona
(Mar 9:42-48; Luk 17:1-2)
6“Aye aleetera omulala ku bato bano abandhikiriza okwona, oyo ekyandiwuze n’okusibibwa olubengo mu nkoto n’asuulibwa mu nhandha ghagati. 7Ensi ekagwireku olw’ebisendasenda abantu okwonoona! Kituufu ebisendasenda okwona tibiroba kubaagho, aye oyo abireeta akagwireku!
8“Omukono gwo, oba ekigere kyo bwe kiba kikusendasenda okwona, kitemeku okisuule ghala omala gaba na mukono mulala oba kigere kirala, waafuna obulamu, otasuuliibwa mu muliro ogutazikira ng’oli n’emikono ebiri oba n’ebigere bibiri.18:8: Mat 5:30 9Era, oba eriiso lyo likusendasenda okwona, litoolemu olisuule ghala omala gaba ow’eitulu, waafuna obulamu otasuuliibwa mu muliro gwa geyeena ng’oli n’amaiso abiri.18:9: Mat 5:29
Olufumo olw’entaama eyabula
(Luk 15:3-7)
10“Mwegendereze, obutanhoomanga ni bw’aba omulala ku bato bano. Kuba ka mbakobere, mu igulu, bamalaika baibwe buliidho babona amaiso ga Lata wange ali mu igulu. [ 11Kuba Omwana w’Omuntu yaidha okuzaawula abazaaye.]
12“Imwe mukibona mutya? Omuntu bw’aba n’entaama dhe ekikumi, memale endala n’ebula, taleka kyenda na mwenda eyo ku nsozi, n’aja n’ayagala eyo ebuze? 13Era bw’agizuula, bwenebwene ka mbakobere: Asagamba inho olw’eyo okusinga olwa dhire ekyenda n’omwenda edhitaabula. 14Atyo ni, ni Lata waimwe ali mu igulu tayenda waire mulala ku bato bano azikirire.
Muganda wo bw’ayona
15“Muganda wo bw’akukola ekibi, ja omunenie nga muli bwa babiri mwenka. Bw’akuwulirisa, ng’olwo muganda wo oyo omuwoniiza.18:15: Luk 17:3 16Aye bw’atakuwulirisa, otoola mwino mulala oba babiri waaja nabo: Buli kibono kyakakasibwa abadhulizi babiri oba basatu.18:16: Ma 19:15 17Aye bw’aloba okuwulirisa abo, olwo ni ng’okobera Ekikunsu eky’Abaikiriza mu Kurisito. Bw’aloba okuwulirisa n’Ekikunsu eky’Abaikiriza, ng’olwo ni mumubisa ng’azira kwikiriza era ng’omughooza w’omusolo.
18“Bwenebwene ka mbakobere: Byonabyona bye munaasibanga ku nsi nga ni mu igulu bisibiibwa ate byonabyona bye munaasimululanga ku nsi nga ni mu igulu bisimulwirwa.18:18: Mat 16:19; Yoa 20:23
19“Era ka mbakobere: Ababiri ku imwe bwe baisania ku kintu kye basaba, Lata wange ali mu igulu alikibakolera 20kuba ababiri oba abasatu ghe beesololeza mu liina lyange, zeena mbaagho agho ghagati waibwe.”
Olufumo olw’omugheereza atasonigha
21Agho Petero yaaseeta yaamukoba ati: “Musengwa, muganda wange ng’ankoze ekibi nnaamusonighanga kutuusa li? Okutuusa ku mikuzi musanvu?”18:21-22: Luk 17:3-4
22Yesu yaamukoba ati: “Tikukoba nti okutuuka ku mikuzi musanvu aye, okutuuka ku nsanvu emikuzi musanvu.18:22: Mainh 4:24 23Obwakyabazinga obw’omu igulu kyebuva bufaananizibwa ku kyabazinga eyayenda okugondhoola n’abagheereza be ebigema ku bintu bye, bye baali nabyo. 24Bwe yatoolera okutereeza embalirira ye, baamuleetera eyali n’eibandha lye lya mutwalo gwa talanta.18:24 mutwalo gwa talanta: Talanta endala eti nga kumpi eyagayaga n’empeera ey’omupakasi y’akolera okumala emyaka eikumi n’etaanu. 25Aye olw’okuba yali nga tasobola kulisasula, musengwa we n’okulagira bamutane, ni mukazi we, n’abaana, n’ebintu bye byonabyona bye yali nabyo, eibandha lisasulwe.
26“Agho omugheereza yaakuba amakiryaivu yaamweghemba ng’akoba ati, ‘Nguminkiriza, ndidha kukusasula byonabyona.’ 27Musengwa w’omugheereza oyo yaamugemerwa ekisa yaamuleka, era yaamusonigha n’eibandha.
28“Aye omugheereza oyo bwe yali afuluma yaayagaana mugheereza mwine ye yali abandha dinari kikumi. Yaamugema, yaamugwa mu mamiro nga bw’amukoba ati, ‘Nsasula eibandha lyange.’ 29Mugheereza mwine ono yaakuba amakiryaivu yaamweghemba ng’akoba ati, ‘Nguminkiriza ndidha kukusasula.’ 30Aye yaaloba, era yaaja yaamuta mu ikomera okutuusa ng’amusaswire eibandha. 31Bagheereza baine bwe baabona ebikoleibwa, baanakughala inho, era baaja baakobera musengwa waibwe byonabyona ebyabaagho. 32Agho musengwa we yaamweta, yaamukoba ati, ‘Mugheereza iwe omubi, nakusoniighe eibandha eryo lyonalyona kuba waneegayiriire 33kale iwe weena obaire togwaniire kusaasira mugheereza mwino nga nze zeena bwe nakusaasiire?’ 34Musengwa yaanakughala inho, era yaamughaayo mu ikomera bamudaazedaaze, okutuusa ng’asaswire eibandha lyonalyona. 35Atyo ni, Lata wange ali mu igulu bw’alibakola, okutoolaku nga buli muntu asonigha muganda we mu mwoyo gwe.”