EKITABO KYA
MALAKI
Enhandhula
Ekitabo kya Malaki baakighandiika agho nga mu kyasa ekyokutaanu nga Kurisito akaali kwidha. Agho eisinzizo baali nga bamaze okwiramu okulizimba mu Yerusalemu. Ekikulu einho omulanzi ono ky’akoba, n’okukubiriza bakabona ghalala n’abantu abandi okwiramu okukuuma n’obwesigwa endagaano Katonda ye yakola nabo. Kyeyoleka bukalamu nga mu biseera ebyo abantu ba Katonda baali boonoonefu inho, ekyo kyabaviiramu okwiririra einho mu mpisa dhaibwe ni mu kusinza Katonda. Bakabona n’abantu abandi nga bakupankupania Katonda baaloba kumugha ebigheebwayo by’agwaniire okufuna, era nga tibajiira ku by’abagalagira. Aye Musengwa Katonda aliidha yaasalira abantu be omusango, ate era yaabatukuza. Alisooka kutuma mukwenda we, yaamukulemberamu ng’aja bw’amutegekera engira mw’anaabita era nga bw’alangirira endagaano ye.
Ebirimu nga bwe biiraganwaku
Ebibi bya Isiraeli 1:1—2:16
Katonda abonereza aye era yaasaasira 2:17—4:6