21
Ekirabo kya namwandu
(Mar 12:41-44)
1Yesu yeetegereza yaabona abakombe nga bata ebirabo byaibwe mu kifo omuteebwa ebirabo. 2Yaabona namwandu omwavu ng’ataamu budhegedhege bubiri. 3Yaabakoba ati: “Bwenebwene ka mbakobere namwandu ono omwavu atairemu okusinga boonaboona. 4Kuba bale batoirenga ku bingi bye bali nabyo, aye ono mu bwavu bwe aghaireyo kyonakyona ky’ali nakyo mu bulamu bwe.”
Okwonoonebwa okw’eisinzizo
(Mat 24:1-2; Mar 13:1-2)
5Abantu bwe baali boogera ku isinzizo engeri ye lyazimbibwamu n’amabaale ag’omughendo agaboneka obulungi, n’ebirabo abantu bye baagha, yaabakoba ati: 6“Ebiseera biidha, ebyo bye mubona ghalobe kubaagho ibaale lisigala ku liinaalyo nga tirisuuliibwa ghansi.”
Obumanhiso n’okudaazibwadaazibwa
(Mat 24:3-14; Mar 13:3-13)
7Baamubuuza bati: “Mwegeresa, bino biribaagho li, era kamanhiso ki akalibaagho nga biri kumpi kubaagho?”
8Yesu yaabairamu ati: “Mwekuume, ti kulwa nga babaghabya kuba ghalibonekagho abantu kamaala abalyeyeta eriina lyange nga bakoba bati, ‘Ninze oyo,’ era bati, ‘Ekiseera kituuse!’ Aye timubanonerezanga. 9Ate bwe muwulira ku ntalo ni ku bwegugungo timudhugumiranga, kuba ebintu ebyo biri n’okusooka okubaagho, aye tikitegeeza kiti mangu ago enkomerero eriba ng’etuuka.”
10Era yaabakoba ati: “Eighanga lirirumba eighanga erindi, obwakyabazinga bwalumba obwakyabazinga obundi. 11Ghalibaagho musisi ow’amaani, ghaabaagho endhala n’endwaire ya kawumpuli mu biketezo kamaala, era ghabaagho ebitiisa n’obumanhiso obw’amaani okuva mu igulu. 12Aye ng’ebyo byonabyona bikaali kubaagho, balibagema baabadaazadaaza, baabaghaayo mu mikono gya ab’obuyinza mu sinagoga ni mu makomera, baabaseeghayo ye bakyabazinga ni y’abafuzi abandi, ku lwange. 13Kino kiribasobozesa okugha obudhulizi. 14Mukite mu myoyo gyaimwe obuteetegekera kya kwiramu ng’ekiseera kikaali.21:14-15: Luk 12:11-12 15Kuba ninze ndibagha engeri ey’okwogera n’amagezi, nga ku bazigu baimwe ghazira aghanga kubitakania waire kubiroba. 16Era muligheebwayo abazaire baimwe, baganda baimwe, ab’ekika kyaimwe, mikwano gyaimwe, era baliita abandi ku imwe. 17Abantu boonaboona balibakyagha ku lw’eriina lyange. 18Aye ghazira luviiri lwa ku mutwe gwaimwe luja kuzikirira. 19Mu kuguma kwaimwe mwe muliwoneza obulamu bwaimwe.”
Okuzikirizibwa kwa Yerusalemu
(Mat 24:15-21; Mar 13:14-19)
20“Aye bwe mubonanga ab’amagye nga bali agho beezungulwire Yerusalemu, ng’olwo mumanha muti okuzikirizibwa kwakyo kutuuse. 21Ng’olwo abali mu Buyudaaya balumukira mu nsozi, ng’abali mu kibuga bavaamu, era ababanga mu kyalo bataingiranga mu kibuga; 22kuba edho n’edhiriba enaku edh’okubonereza n’okutuukiriza ebyaghandiikibwa byonabyona.21:22: Hos 9:7 23Nga bakagwireku abaliba enda, n’abaliba bonsa mu nnaku edho kuba okudaagadaaga okw’amaani kuja kuba ku nsi eno n’obusungu bwa Katonda bwike ku bantu bano. 24Abandi balibaita n’empiima, abandi balitwalibwa mu maghanga goonagoona nga banhage, era Yerusalemu kiriniinirirwa abamaghanga agandi okutuusa enaku edh’abamaghanga agandi lwe dhiriwaaku.
Okwidha kw’Omwana w’Omuntu
(Mat 24:29-31; Mar 13:24-27)
25“Ghalibaagho obumanhiso ku ndhuba, ku mwezi ni ku muunienie, ate ku nsi ghalibaagho okweraliikirira mu maghanga, n’okusoberwa olw’okuduma okw’amayengo n’enhandha.21:25: Isa 13:10; Ezek 32:7; Yoe 2:31; Kwol 6:12-13 26Abantu balizirikaku olw’okutya nga balinda ebyo ebiri kwidha ku nsi, kuba amaani ag’omu igulu galitengeesebwa. 27Agho ng’abantu babona Omwana ow’Omuntu ng’aidhira mu kire n’amaani n’ekitiisa ekingi.21:27: Dan 7:13; Kwol 1:7 28Ebintu ebyo bwe bitooleranga okubaagho musitukanga mwayemerera, mwalinga ghaigulu kuba okununulibwa kwaimwe kuliba kutuuse.”
Eky’okwega ku mutiini
(Mat 24:32-35; Mar 13:28-31)
29Agho Yesu yaabafumira olufumo ati: “Mubonere ku mutiini, n’emiti egindi. 30Imwe beene bwe mubona nga gitoolereza okusibusa amakaba nga mumanha ng’endoboozi 21:30 gitoolereza okusibusa amakaba … ng’endoboozi: Embeera eno etyo bw’eba mu nsi Buyudaaya ni mu nsi edhindi edhiba n’ebiseera eby’ekiinhogogo ebigwamu omuzira n’omugozi. Aye mu nsi eno eyaife eziramu mbeera ya kiinhogogo kya maani kityo, endoboozi bagimanhira ku miti kuwaawuza makaba. eri kumpi. 31Mu nsambo n’endala bwe mubonanga ng’ebintu ebyo bitooleire okubaagho, mumanhanga ng’Obwakyabazinga bwa Katonda buli kumpi. 32Bwenebwene, ka mbakobere, ebintu bino bija kubaagho ng’ab’oluse luno bakaali kuwaagho. 33Eigulu n’ensi bija kuwaagho, aye ebibono byange tibija kuwaagho.
Ayogera ku kwekuuma
34“Mwekuume, ti kulwa nga mwemalira bwa mu binhumo, kutamiira na kweraliikirira bya bulamu buno, olunaku lule lwabagwaku nga timwidhi. 35Kuba abantu boonaboona ab’oku nsi lulibagwaku ng’oti iggu. 36Mulingirire inho ebirigho era musabe, musobole okuwona ebyo ebija okubaagho era n’okwemerera mu maiso g’Omwana w’Omuntu.”
37Buli lunaku yayegeresanga mu isinzizo aye obwire ng’aja yaasula ku Lusozi olw’Emiti Emyoliva.21:37: Luk 19:47 38Era buli ku nkyo abantu boonaboona beesololezanga mu isinzizo okumuwulirisa.