1
1Ninze Yuda omugheereza wa Yesu Kurisito era muganda wa Yakobo.1: Mat 13:55; Mar 6:3
Mpandiikira abo abaayetebwa abagonzi ba Katonda Lata, era abakuumibwa Yesu Kurisito.
2Okusaasira n’okugonza kwa Katonda, n’emiraala byeyongerenga mu imwe.
Omusango gw’abeegeresa abaguya
3Bakagwa, mbairenga nhenda inho okubaghandiikira ku kulokolebwa kwaife kwe tugabanaku, aye nkyagaine nga kigwaine okubaghandiikira mbakubirize okulwanirira endhikiriza Katonda ye yagha abatuukirivu omukuzi omulala guti nga gumala. 4Kuba ghaligho abantu abatatya Katonda era abaatonderwa okusingibwa omusango, abeibirira ni batweyimbamu. Abantu abo bakiidhamya obukwenda obw’ekisa kya Katonda nga benda bwisanie n’obudankaanu bwaibwe. Era beegaana Yesu Kurisito Omukulu waife era Musengwa waife yenka ati.
5Mperaano nhenda okubaidhusa, waire nga mukiidhi bukalamu, nti oyo eyazaawula Abaisiraeli okuva mu Misiri, yamala yaazikiriza abo abataali na kwikiriza.5: Kuv 12:51; Kub 14:29-30 6Era ni bamalaika abo abaaleka ebifo byaibwe eby’obukumu ni babivaamu, yabasiba ku ndhegere yaabakuumira mu nzikiiza okutuusa ku lunaku olw’okusaliraku omusango. 7Nhenda era okubaidhusa Sodoma ni Gomorra n’ebibuga ebindi ebyali biriiraine agho, byona ebyakola ebikolwa eby’ensoni n’eby’amairu ag’abasaadha n’abakazi agatajiira ku butonde. Bino byabonerezebwa mu muliro ogutazikira, byafuuka eky’okuboneraku.7: Mainh 19:1-24
8Abantu bano boona bwe bali. Bajiira ku kubonekerwa okw’obuguya, baaghaayo emibiri gyaibwe okugikozesa ebibi, baanhooma obuyinza bwa Katonda era baavuma eby’ekitiisa ebiri mu igulu. 9Ate nga ni bw’aba Mikaeli omukulu wa bamalaika, tiyakola ekyo bwe yali ali kukaayana 1:9 kukaayana ni Sitaani, nga bakaayanira omulambo gwa Musa: Ekitabo ekyogera ku kukaayana kuno tikibalibwa mu bitabo bitukuvu. ni Sitaani, nga bakaayanira omulambo gwa Musa; tiyakana n’akozesa bibono bivuma ng’asalira Sitaani omusango, okutoolaku okumukoba ati: “Katonda akubonereze.”9: Dan 10:13, 21; 12:1; Kwol 12:7; Ma 34:6; Zek 3:2 10Aye abantu bano bavuma kiisi kye bataidhi, ate ebyo bye baidhi babiidhi bwa mu butonde okufaananaku ensolo edh’omu nsiko. Era byene ebyo n’ebibazikiriza. 11Bakagwireku! Kuba bagema engira nga Kaini ye yagema. Olw’okugonza einho empiiya bagwa mu nsobi ya Balaamu. Era nga Kora bwe yakola, boona badheemera ababafuga, era baazikirizibwa nga bwe yazikirizibwa 1:11 Balaamu: Ono yadaaliimya Abaisiraeli baasinza emisambwa.11: Mainh 4:3-8; Kub 22:1-35; 16:1-35 12Abantu bano bwe baba ku mbaga dhaimwe edh’okugonzania baswaza inho. Baidhirira kulya, na kunhwa, na kwefaaku bonka nga bazira na nsoni. Bali ng’oti bire ebitavaamu maadhi, ebija n’empewo. Bali ng’oti miti egitabaaku bibala mu kiseera eky’ekyengera. Bali ng’oti miti egyakuukulwagho n’emizi era ni gikalira irala. 13Bali ng’oti n’okwefuukuula kw’enhandha, ate ebikolwa byaibwe ebiswaza byaba ng’oti n’eiwovu erifuukeera ku maadhi agali kwefuukuula. Bali ng’oti muunienie edhimala gaja eyo dhityo, era Katonda yabategekera okuba mu nzikiiza ebyanda n’ebyanda.
14Abantu bano Enoka ow’omu luse olwomusanvu okuva ku Adamu, be yayogeraku ng’alanga ati: “Bona, Musengwa aliidha n’olukunkumuli olw’abatuukirivu,14: Mainh 5:18, 21-24 15okusalira abantu boonaboona omusango gubasinge olw’ebikolwa byaibwe byonabyona eby’obutatya Katonda, n’olw’ebibono eby’obukambwe byonabyona abatatya Katonda bye baamwogeraku.”
16Abantu bano buli kaseera baba mu kutolooma olw’obutasiima, bageyigeyi, bajiira ku kwegomba kwa mibiri gyaibwe, beesaaka era baasuutiriza abantu nga bali ni kye babendaku.
Okulabula n’okulamba
17Bakagwa, muteerabiranga Abatume ba Musengwa waife Yesu Kurisito, bye baabakobera eira. 18Baabakobera bati: “Mu biseera eby’enkomerero ghalibaagho abantu abatatya Katonda, abajiira ku kwegomba okw’emibiri gyaibwe, abalibaleetera okufuuka enseko dh’abalamu.”18: 2 Pet 3:3 19Bano n’abaleeta okwekutulakutulamu, bajiira ku bya nsi era Mwoyo abaziramu. 20Aye imwe bakagwa, okwikiriza kwaimwe okutukuvu n’okube kube omusingi kwe mwezimbira. Musabirenga mu maani ga Mwoyo Mutukuvu, 21era mwekuumirenga mu kugonza kwa Katonda. Muteegerere Musengwa Yesu Kurisito, mu kusaasira kwe abaghe obulamu obutawaagho.
22Mugumyenga abo abaikiriza n’emyoyo ebiri 23muwonieku abandi nga mubaghendula mu muliro. Abandi mu basaasire aye nga mubatya, nga mwesambira irala n’ebivaalo byaibwe ebyayonebwa ebikolwa byaibwe eby’omubiri.
Okubasabira enkabi
24Katonda oyo ow’obusobozi obubakuuma ni mutagwa, ni bubatuusa mu maiso ge ag’ekitiisa nga muziraku musango gwonagwona era nga musagamba, 25Katonda omulala ati Omulokozi waife ng’abita mu Yesu Kurisito Musengwa waife, agheebwe ekitiisa, obufuzi, amaani n’obuyinza okuva ku ntoolo, na buti, n’okutuusa ebyanda n’ebyanda. Amiina.