EKITABO KYA
YONA
Enhandhula
Ekitabo kya Yona tikiri ng’ebitabo ebindi eby’abalanzi ebyagaanibwa mu Baibuli. Ebitabo ebyo bisinga kubaamu obukwenda Katonda bw’atuma abalanzi okukobera abantu. Aye ekya Yona kikukobera bukobere ebyatuuka ku mulanzi eyagezaaku okudheemera ekiragiro kya Katonda, nga Katonda oyo amukobye okuja mu kibuga Nineve, ate mwene n’asalagho obutajaayo. Yaayenda aje luuyi, kuba abantu b’e Nineve baali bazigu ba Baisiraeli ababi einho. Era Yona yali akiidhi nga Katonda yali taja kutuukiriza ekyo kye yali ali kumutuma okukoba ab’e Nineve, olw’ekivunika ekyodo Katonda oyo kyali nakyo. Oluvainhuma olw’ebirikoliko okumutuukaku, Yona yamala yaaja, yaalabula ab’e Nineve nga Katonda bwe yamulagira. Bwe beenenia Katonda naatabazikiriza, Yona yaasungughala.
Ekitabo kyoleka nga Katonda bw’afuga ebintu byonabyona, ebiramu n’ebitali biramu, era nga bw’ali n’okugonza n’okusaasira. Asonigha era yaalokola abeenenia boonaboona, yaaloba kubazikiriza ni bwe baba abazigu ab’abantu be.
Ebikirimu nga bwebiiraganwaku
Okwetebwa kwa Yona n’okudheema kwe 1:1-17
Okwenenia kwa Yona n’okulokolebwa 2:1-10
Obukwenda Yona bwe yatwalira ab’e Nineve 3:1-10
Katonda asaasira ab’e Nineve 4:1-11