38
Katonda airamu Yobu
1Agho Musengwa Katonda ng’ali mu kiwunga ow’amaani, yairamu Yobu ng’akoba ati:
2“Niiwe ani atakania entegeka yange,
ng’oyogera ebibono ebyoleka obutamanha?
3Kale ni fungiza ondhiremu bye nkubuuza.”
Ensi n’enhandha
4“Wali oli luuyi gha bwe nataagho emisingi gy’ensi?
Nkobera, oba nga otegeera inho.
5Naani eyasalagho bw’enaayaga obunene?
Oba naani eyagipima n’omugugha?
Tokobye oti oli mumanhi?
6Emisingi gyayo giri ku ki?
Oba naani eyasimba eibaale lyayo ery’omu nsonda?
7Nga buli kukya ku lunaku olwo, emuunienie edh’oku nkyo
dhaayembera ghalala,
n’ab’omu igulu baakuba emizira.
838:8-11: Yer 5:22 Oba naani eyaigaliza enhandha n’endhigi,
ng’eghagwiza ng’oti n’ekintu ekiva mu nda ya inhaakyo?
9Ninze nafuula ebire ekivaalo ky’enhandha,
n’enzikiiza egemye naagifuula obugoye obugighemba.
10Nagiteeragho ensalosalo kw’ekanga,
naataagho endhigi edhigisiba.
11Naagikoba nti: ‘Kanga ghano, era otaswikangagho.
N’okwesiikuula kwo okw’amaani kunaakomanga ghano.’”
Okukya kw’obwire, enzikiiza, n’amagombe
12“Bukyanga obaagho, waali olagiireku endhuba okuvaayo ku nkyo,
oba okulagira obwire bukye?
13Waali olagiireku obutangaavu okubuna buli kankondo ak’ensi,
n’okubulagira bubingegho ababi mu bifo mwe beegisa?
14Olwo ensi evaayo yaaboneka,
ng’oti n’akamanhiso akateebwa ku kiwumbe eky’eitosi
ng’eri ng’oti kivaalo ekya langi kamaala.
15Ababi obutangaavu bubamalaku emiraala,38:15 kibamalaku emiraala: Mu Luheburayi “Ababi batoolebwaku obutangaavu bwaibwe.” Kuba enzikiiza n’eba obutangaavu bwaibwe obubasobozesa okukola ebikolwa byaibwe ebibi. 24:17
bwabalobera okukola eby’obukambwe.
16Waali otuuseeku ku ntobo y’enhandha aghali ensulo dh’enhandha?
Waali otambuliireku ghansi eyo ku ntobo y’enhandha?
17Ghaligho eyaali akwoleikeku emiryango gy’e magombe,
egingira mu nzikiiza aghakuumirwa abaafa?
18Waali otegeireku ensi bw’eyaga mu bwagaagavu?
Ndhiraamu oba nga byonabyona obiidhi.
19Oidhi engira etuuka aghasula obutangaavu,
oba ekifo enzikiiza gh’eba?
20Osobola okubitwala mu kifo kyabyo?
Era otegeera engira etuuka ye bisula?
21Bwenebwene osobola, kuba wali muzaale mu kiseera ekyo!
Nga mingi emyaka gy’oghangaire!
22Waali oingiireku mu kifo ghe nkuumira omuzira
n’amabaale ag’omugozi?
23Ebyo mbiterekera ekiseera ekizibu;
olunaku olw’okulwana entalo.
24Oidhi engira etuuka endhuba gh’eva?
Oba oidhi empewo ey’e buvandhuba gh’eva okusansaanira ku nsi?
25Naani eyatema ku igulu emyeta amaadhi mwe gabita okuyuyika,
oba eyataagho engira ey’olukuba?
26Naani aleetera amaadhi okugwa mu biketezo ebitabaamu bantu,
ni gagwa mu irungu omutaba muntu waire omulala?
27Naani afukirira ensi eyazika enkalu erekeibwa agho,
n’esobola okumeramu eisubi eito?
28Amaadhi gali ni lata waago,
oba naani azaala amatondo g’omusulo?
29Omugozi guva mu nda y’ani?
N’omusulo ogutoonherera ng’oti luudhiidhi ni gugema, naani aguzaala?
30Amaadhi gafuuka mabbalangufu ng’oti ibaale,
ni ku ngulu kw’enhandha kwagema.
3138:31: Yob 9:9; Amo 5:8 Osobola okusiba emuunienie edheetebwa Puleyadesi mu kibbuututu?
Oba okusimulula emigugha egiyimba aghalala emuunienie edheetebwa Orioni?
32Osobola okufulumya emuunienie dhaaboneka mu biseera bya dho,
oba okukuumira muunienie edho dhoonadhoona, entono n’enene, mu ngira yaadho?
33Oidhi ebiragiro ebifuga mu igulu?
Osobola okubikozesa okufuga ni mu nsi?
34Osobola okuduumira ebire,
byavaamu omwidhuzo gw’amaadhi, gaakumira?
35Osobola okweta ebimyanso by’olukuba biidhe obitume,
byakukoba biti, ‘Tuli ghano?’
36Naani eyata mu bire amagezi ag’okugwisa amaadhi?
Era naani eyagha olufu okutegeera ensambo ye lunaagwangamu?38:36 “Ebire”, “Olufu”: Ebibono ebikyusiibwa “ebire”, “olufu” amakulu gaabyo tiimatangaavu mu Luheburayi. Era bangi babiinhonhola nga babigha amakulu agatali malala.
37Naani asobola okukozesa amagezi n’abala ebire?
Oba okubighendheka n’afuka amaadhi agabirimu,
38enkungu n’efuuka ebitosi, ebityanka ni byegema?”
Katonda abuuza Yobu ku nsolo n’enhonhi
39“Osobola okuyiigira empologoma by’erya?
Oba okuliisa empologoma ento n’odhiigusa,
40nga dheegisiiza mu mpuku dhaadho,
oba nga dhibwaime mu bisaka okuteega?
41Naani aliisa amakoova
bwe gatambulatambula eyo okwagala emere,
ng’abaana baago bali kundirira?”