3
Yobu akolima olunaku lwe yazaalirwaku
13:1-19: Yer 20:14-18 Ebyo bwe byawa, Yobu yaatoolera okwogera, yaakolima olunaku lwe yazaalirwaku.
23:2: Sir 23:14 Yobu oyo yaakoba ati:
3“Olunaku lwe nazaalirwaku luzikirire,
era n’obwire obwakoba buti omukazi atoire enda ya mwana mulenzi.
4Olunaku olwo lube lwa nzikiiza
Katonda mu igulu alwerabire,
n’endhuba erobe kulwakiraku.
5Enzikiiza etiisa einho erutwale.
Ekire kiruwembeku endhuba erobe kulwakaku, lwidhule okutya.
6Obwire obwo maama bwe yatooleramu enda yange, bwidhule enzikiiza egemye bedimudimu.
Butoolebwe mu nnaku edh’omwaka, bulobe kubalirwa mu myezi.
7Bwenebwene obwire obwo, bulobe kwirayo kubaamu mukazi
wundi abutooleramu nda
bulobe kuwulirwamu muzira naire.
8Obwire obwo bukolimirwe abo abakolimira enaku;
abo abali n’obusobozi obw’okusiikuula Leviathani 3:8 Leviathani: Guno n’ogusota ogwogerwaku mu nfumo, nga gudhuubirizibwa okuba akamanhiso ak’amaani ga Sitaani. Abantu abandi baalinga nga basobola okugusiikuula gwabakolera kye benda. 7:12 41:2; Zab 74:14; 104:26; Isa 27:1 okukola kye benda.
9Emuunienie edh’oku nkyo dhirobe kuboneka mu bwire obwo;
obutangaavu bulobe kubaagho, n’endhuba erobe kuvaayo nga bukyeire.
10Kuba obwire obwo bwaleka maama yaatoola enda yange,
bwandeetera okudaagadaaga n’enaku nti.
11Lwaki tyafiiragho nga naakazaalibwa,
ni ndhisa ogusembayo nga nva mu nda ya maama?
12Lwaki maama yandera ku mubiri?
Lwaki yaanhonsa amabeere?
13Kuba olwo nandifiire naasirika, era nanditendwike naawuumula,
14ghalala ni bakyabazinga n’abafuzi abandi ab’oku nsi,
abaazimbira obuyaaka ebisaagaati ebyabanga ebifulukwa.
15Nanditendwike ghalala n’abalangira
abaidhuzanga endhu dhaibwe zaabu ni feeza.
16Nandibaire nga ntooleibwagho ng’oti n’ekintu
ekiviire mu nda eviiremu obuve,
oba naaziikibwa ng’oti n’omwana azaalibwa nga mufu,
atabona ku ndhuba naire.
17Eyo mu magombe, ababi balekera agho okutigomya abantu,
era eyo, abaweekereiremu amaani ye bawuumulira.
18Eyo abasibe bafuna obugheereso,
baawona okudhuukibwa abo ababasalira amakatala.
19Abantu ab’ebika n’ebika bali eyo, abamanhifu n’abatali bamanhifu,
n’abairu nga tibakaafugibwa basengwa baibwe.
20Kigasa ki okuleka abantu abali mu nnaku, ni basigala nga bakaali balamu,
n’okuleka abo abadaazibwadaazibwa okuba mu butangaavu?
213:21: Kwol 9:6 Abantu abo beegomba okufa, aye okufa kwabeesamba;
era banoonia okufa okusingaku n’ole ayagaaza
ng’anoonia obukombe obwakwekebwa.
22Basangaala inho era baasagamba, bwe bafa ni bateebwa mu magombe.
23Lwaki Katonda agha abantu obulamu ng’ate ebiseera
byaibwe eby’omu maiso bikwekeibwa,
era lwaki abataaku olukomera?
24Nze okulira n’okwafuuka emere yange,
era okuwowoola okwange tikukoma.
25Ebintu bye ntya n’ebindidhira, era ebyo ebintiisa einho n’ebingwira.
26Nzira miraala waire obugheereso,
bizibu byonka n’ebyesomba.”