26
Yobu akiina Bilidadi
1Agho Yobu yairamu
ng’akoba ati:
2“Kale ng’onhambye nze omunafu ali ati,
bwenebwene onumuukiriire!
3Kale ng’ompaire amagezi nze azira ky’aidhi,
era waayoleka by’otegeera obukalamu!
4Naani akuyambyeku okwogera obukalamu otyo?
Naani akughaire by’oyogeire?”
Bilidadi26:4 Eriina Bilidadi tiryogerwaku ghano mu lughayo luno, aye kidhuubirizibwa nti Zofari oyo ni mwene lughayo luno. ayongera okwogera
5“Abafu batengera nga batiire,
eyo e magombe mu maadhi agali ghansi.
6E magombe ezira kikwekeibwa ku Katonda;
abona byonabyona ebiri mu kifo ekyo eky’okuzikirira.
7Abamba eigulu ku luuyi olw’omukono omugooda olw’e buvandhuba,
era yaalengeedhia ensi mu ibbanga.
8Asibira amaadhi mu bire ebigemu,
obuzito bwago bwaloba kubyabya.
9Agisa entebe ye ng’agighembaku ebire.
10Yataagho olukoloboze okwezunguluza enhandha,
okwawula obutangaavu ku nzikiiza.
11Empagi dh’eigulu dhitengera era dhaadhugumira,
Katonda bw’atiisaamu obutiise okudhisaaniagho.
12Olw’obuyinza bwe yaghangula enhanda;
olw’amagezi ge yaazikiriza Rahabu ogusota gwamu.
13Yafuuwa ebire yaabyeya ku igulu;
yaagema empiima yaafumita ogusota ogw’omu nhandha
nga guli kulumuka okwewonia.
14Aye ebyo katundu butundu ak’ebintu by’akola.
Era bye tumuwuliraku n’ebitono einho.
Obukumu bwe obw’amaani bw’ali nabwo naani asobola okubutegeera?”