Bible Reader

25

Omuntu aziraku bw’ali mu maiso ga Katonda

1Agho Bilidadi Omushuhi yairamu ng’akoba ati:

2“Katonda n’ali n’obukumu obufuga era atiibwa;

aleeta emiraala mu bwakyabazinga bwe obw’omu igulu.

3Amagye g’ali nago tigabalika.

Obutangaavu bwe bwakira buli ghantu.

4Ghaligho omuntu yeenayeena asobola okuba omutuufu mu maiso ga Katonda?

Omuntu eyazaalibwa obuzaalibwe, aghanga okuba omulongoofu?

5Mu maiso ga Katonda, ni bwe guba omwezi tigwaka ni guboneka,

n’emuunienie dhiba ng’oti dhizira butangaavu.

6Memale leero omuntu obuntu, enhengere obuyengere,

omwana w’omuntu, olugereegere obugereegere!”