18
Bilidadi asirisa Yobu
1Agho Bilidadi Omushuhi yairamu ng’akoba ati:
2“Munaatuusa gha okunoonia eby’okwogera?
Musooke mwefumintirize memale olwo twogere.
3Ku lwaki otubalira mu nsolo? Ku lwaki otufuula abasiru?
4Iwe ali kwekulubula omubiri mu busungu wulira:
Olowooza oti ensi enaafuuka oti irungu ku lulwo?
Oba oti ensozi dhinaasiguukululwa mu kifo kyadho olw’okukusanhusa?
Ekituuka ku boonooni
518:5-6: Yob 21:17 Bwenebwene obulamu bw’omubi buzimizibwa ng’oti ntaala,
oba ng’oti mmuli edhimulika, edhitairayo kwaka.
6Ali ng’oti n’endhu eidhamu enzikiiza, entaala emulisaamu ng’ezikiire.
7Eyali atambula nga yeekakasa, mpegaano yeekengeera gh’aniina.
Amagezi g’agha abandi mwene gamuswire.
8Ebigere bye bimutunze, yeeswire mwene mu mutego.
9Omutego gumugemye ekibbonge gwamukalangula.
10Bamuteze omugugha mu itaka gumugemye;
bagisiisa olutuula mu ngira ye.
11Ebimutiisa bimuli ku buli luuyi,
bimubingirira buli gh’atoola ekigere.
12Endhala emuluma y’awaamu amaani,
akabi kali agho kamuteegereire.
13Endwaire embi emuliire omubiri,
era yaamuvunza amakono n’amagulu.
14Bamughalwiza mu ndhu ye y’abaire nga yeesiga,
baamughaluudhania okumutwala ye Kyabazinga afuga okufa.
15Omuntu aba ng’ayenze n’eyeesulira mu ndhu eyo etakaali yiye,
nga bamaze okumansiramu obuganga bwa salufa. 18:15 okumansiramu obuganga bwa salufa: nga bumansibwa mu ndhu eyo okubingamu obulwaire, n’okusingira irala omubaire omulambo.
16Ali ng’oti muti ogukala okuviira irala ku mizi,
okutuuka ghaigulu ku busanso bw’ensaga
17Balimwerabirira irala ku nsi,
ghaabulagho amwidhukira naire.
18Balimutoola mu butangaavu baamubingira mu nzikiiza,
ave mu nsi y’abalamu.
19Ku babe tighalisigalagho mwana waire omwidhukulu.
Era ye yabanga teriwonayo muntu naire omulala.
20E buvandhuba n’e bugwandhuba, abaliwulira ebimutuuseeku,
baligemwa entiisa baatya inho.
21Bwenebwene eyo n’enkomerero y’ababi
ekyo n’ekirituuka ku abo abateefiirayo ku Katonda.”