9
Yuditha asaba Katonda
1Agho Yuditha yeemansira eivu mu mutwe, yeeghembulaku ekivaalo kye okulaga kutiya ye yeesibye munda olw’enaku, yaakuba amakiryaivu era yaakutama n’ekyeni kyatuuka ku itaka. Era mu kiseera kyene kye baniokezaamu obubbaani mu isinzizo, yaasaba Katonda mu mamiro ag’amaani ng’akoba ati: 29:2 Mainh 34:1-31“Wo Musengwa Katonda wa dhaadha wange Simeoni, niiwe wagemya Simeoni oyo empiima aje yeesasuulize ku bantu abagwira abaagema omughala omwegha ni bamutoolamu ebivaalo bye ni bamwonoona. Baamuleka madu baamuswaza, baamukaka baaba naye mu buliri era baamumalamu ekitiibwa. Ate nga iwe walobera abantu okukola ekintu ekyo, aye baakikola. 3Kyewava n’oleka abakulembeze baibwe okutirimbulwa, nga baitirwa ku buliri bwene bwe baakakiraku omukazi ni baba naye. Boonaboona waabaitira ghalala agho, ka babe bairu, oba balangira, oba abafuzi abaali ku bityamo eby’obwakyabazinga. 4Waaghaayo bakazi baibwe ni baghala baibwe baatwalibwa mu bunhage, n’ebintu byaibwe byanhagululwa abantu bo Abaisiraeli b’ogonza abaalumirwa einho okukola by’oyenda. Abaisiraeli abo obusungu bwabagema inho okubona ng’ow’omusaayi gwaibwe bamumazeemu ekitiibwa batyo. Kale baakusaba nga bakweghemba obayambe.
“Wo Katonda wange, ganha owulirise kye nkusaba zeena, nze namwandu. 5Niiwe oleetera ebintu byonabyona okutuukirira, ka bibe ebyaligho eira, oba ebirigho buti, oba ebiribaagho ye bwidha. Bwenebwene entegeka dho dhoonadhoona, buliidho dhituukirira. 6Iwe by’oyenda bikolebwe, biri n’okukolebwa. Era byonabyona by’oba ng’otegeike okukola obimanhiragho.
7“Mpegaano bona, Abassiria beeyongeire bweyongere amaani. Beesuutiriza olw’abalwani baibwe ab’oku mbalaasi n’ab’oku bigere, era beesiga eby’okulwanisa byaibwe omuli engabo, amafumo, obulaso, n’ensuumulo. Aye tibaidhi nga iwe, Musengwa, niiwe omulwani oghangula entalo. Eriina lyo niiwe Musengwa. 8Kozesa obuyinza bwo olwanise eigye lyaibwe ery’amaani, olityankirire mu busungu bwo; kuba bategeike okwonoona eisinzizo lyo ery’okukusinzizangamu n’okukozesa empiima dhaibwe okutema ensonda dh’alutaari yo. 9Lingirira obone nga bwe beekuluntaza. Kale bamalireku ekiruyi kyo. Nze ndi bwa namwandu, aye nkusaba ompe amaani ntuukirize kye ntegeike okukola. 10Kozesa ebibono eby’obuguya bye nnaabakoba, obaite boonaboona obamaliriregho, abairu ni basengwa baibwe. Kozesa amaani ag’omukazi otyankirire okwekuluntaza kwaibwe. 11Obunene obw’eigye n’amaani gaalyo ghazira kye bikola ku buyinza bwo. Iwe oli Katonda afaayo ku abo abatwalibwa nga ba ghansi, oyamba abazira bwogereso, ogemerera abanafiighe, okuuma abaziraku alabirira era waalokola abawoiremu eisuubi. 12Wo Katonda wa dhaadha wange Simeoni, iwe Katonda Abaisiraeli ye beesiga, wulirisa okusaba kwange kuba niiwe ofuga eigulu n’ensi, niiwe omutonzi w’emiiga n’enhandha, era Kyabazinga w’ebitonde byonabyona. 139:13: Esit Lug C:24-25 Kozesa ebibono byange eby’okubalimba obafumite bafe; kuba bategeike okukola eby’obukambwe ku ndagaano yo, ni ku isinzizo lyo eitukuvu, ni ku lusozi Sioni, ni ku nsi ye wagha abantu bo. 14Leetera eighanga lyo lyonalyona n’ebika byonabyona, okumanha n’okutegeera nga niiwe Katonda ow’obukumu Aghanga Ebintu Byonabyona, era nga niiwe wenka okuuma abantu Abaisiraeli.”