5
Olwekobaano mu nkambi ya Holoferene luteesa ku lutalo
1Agho Holoferene omuduumizi w’eigye ly’Assiria yaawulira ati Abaisiraeli beetegekeire olutalo, baasemba buli ghantu aghaingirirwa mu nsozi, baata abakuumi ku ngulu okw’ensozi, baata n’ebigingi mu ngira dh’omu biketezo eby’oku museetwe. 2Kale yaasungughala inho, era yaayeta abakungu boonaboona mu nsi Moabu, n’abaduumizi boonaboona ab’amagye mu nsi Ammoni, n’abafuzi ab’ebiketezo eby’oku nhandha. 3Yaabakoba ati: “Imwe nga bwe muba mu nsi Kanaani, munkobere bino: Bantu ki ababa mu biketezo eby’oku nsozi edho? Bibuga ki bye babaamu? Eigye lyaibwe lyaga gha obunene, era obukumu n’amaani bye bali nabyo biva gha? Naani kyabazinga waibwe akulembera eigye lyaibwe? 4Lwaki abo mu bantu boonaboona ab’e bugwandhuba, ni bonka abalobye okwidha okweghaayo mu ngalo dhange?”
Akiori bye yayogera
5Agho Akiori omukulembeze w’Abammoni boonaboona yairamu ati: “Musengwa, nkweghembye wulirisa nze omugheereza wo bye nja okukoba. Nja kukukobera amazima ku bantu abo ababa mu biketezo eby’oku nsozi edho edhiri okumpi n’enkambi yo. Tiidha kukulimbamu naire. 6Abantu abo basimuka mu Bababilonia. 7Baasooka baaja baabaaku mu Mesopotamia, kuba baaloba okusinzanga bakatonda ba badhaadha baibwe abaali e Babilonia. 8Olw’okuloba okujiira ku mpisa dha badhaadha baibwe, ni baira ku kusinza Katonda ow’eigulu, n’ekyabaleetera okubingibwa mu nsi yaibwe baalumukira e Mesopotamia baaba eyo ekiseera kireeyi.
95:9: Mainh 11:31—12:5 “Katonda waibwe yaamala yaabalagira okuva mu Mesopotamia, baje mu nsi Kanaani. Kale baasenga eyo, n’ebintu byabajiira bukalamu baaba bakombe inho nga bali ni zaabu ni feeza n’ebyayo mu bungi. 105:10: Mainh 42:1-5; Kuv 1:7 Agho endhala yaagwa mu nsi Kanaani yoonayoona. Abaisiraeli abo baaja e Misiri, baaba eyo ekiseera kyonakyona kye baasobola okufunayo emere. Era baafuukira eyo olukunkumuli olw’abantu, nga n’okubalika tibabalika olw’obungi. 115:11: Kuv 1:8-14 Agho kyabazinga w’e Misiri yaabeefuulaku, yaabeeyambisa okumuwumbira amatoofaali, era yaabamalamu ekitiibwa yaabafuula bairu. 125:12: Kuv 7:1—12:46 Aye baalirira Katonda waibwe, era Katonda oyo yaasindikira Abamisiri ebibamba ebyali ebibi einho. Kale Abamisiri baababinga mu nsi yaibwe Misiri. 135:13: Kuv 14:21-22 Era Katonda w’Abaisiraeli abo yaakaza Enhandha Emyufu emberi waibwe, 14yaabakulemberamu ng’ababisa ku lusozi Sinai, n’e Kadeshi Barinea.
“Abaisiraeli baabinga abantu abaabanga mu kiketezo eky’ensi Kanaani eky’oku luuyi olw’omukono omusaadha olw’e buvandhuba. 15Baatwala ensi ey’Abamori era baazikiriza abantu b’e Heshiboni boonaboona. Baamala baasomoka omwiga Yorudani, baatwala ebiketezo eby’oku nsozi byonabyona. 16Baabibingamu Abakanaani, Abaperizzi, Abayebusi, Abashekemi, n’Abageregesi boonaboona. Abaisiraeli abo baamala ekiseera kinene nga n’abali mu biketezo eby’oku nsozi edho.
175:17: Ma 28:1-68 “Ebintu byali nga bibajiira bukalamu ekiseera kyonakyona kye baamala nga tibakola bibi ye Katonda waibwe, kuba Katonda waibwe oyo tayenda bakozi ba bibi. 18Aye Abaisiraeli abo bwe baadheemera Katonda waibwe oyo ni batakola bye yabalagira, abazigu baabaghangula mu ntalo kamaala, baabatwala nga banhage mu nsi eyindi etaali yaibwe. Abazigu baasaaniagho n’eisinzizo lya Katonda waibwe, era baanhaga n’ebibuga byaibwe. 19Aye mpegaano baamala okwira ye Katonda waibwe, era baira n’okuva mu nsi dhe baali basansaaniiremu. Baaba mu kibuga kyaibwe Yerusalemu aghali esinzizo lyaibwe, era baasenga ni mu biketezo eby’oku nsozi edho ebyali bisigaire agho nga biziramu bantu.
20“Kale musengwa wange, bwe tuba n’obukakafu nga ghaligho ekisobu kyonakyona abantu abo kye bakola ni boonoona eri Katonda waibwe, ka kibe mu bugenderevu oba ti mu bugenderevu, twidha kuja tubalumbe era tubaghangule. 21Aye bwe baba nga tibadheemeire Katonda waibwe, nze nkoba nti wandibalese buleke, musengwa wange, kuba Katonda waibwe aidha kubalwanirira abakuume, olwo ensi yoonayoona etusekerere.”
Ebyairirira nga Akiori amaze okwogera
22Akiori bwe yamala okwogera, abantu boonaboona abaali beemereire agho okwezungulula weema baatoolera okwemuluguunhia. Abakulira abalwani ba Holoferene ghalala n’ab’omu biketezo eby’oku Nhandha Eyaghagati era n’ab’e Moabu, baamwekalangulaku nga benda aitibwe. 23Baakoba bati: “Ife tuzira kye tutya naire ku Baisiraeli. Bazira maani era tibasobola kugumira lutalo lukakali. 24Kale musengwa waife Holoferene, ife tuleke tuje tubasaaniegho n’eigye lyo ery’amaani.”