EMBALUWA EYAGHANDIIKIBWA
Yakobo
Enhandhula
Embaluwa eyaghandiikibwa Yakobo erimu okugalaga okw’ebika kamaala, okusobola okuyamba omuntu bw’aba ng’akutaire mu nkola. Yakobo yagighandiikira abantu ab’omu bika eikumi n’ebibiri abaasansaanira woonawoona mu nsi. Yakozesa inho ebibono ebireetera irala ekifaananie eky’ekintu ky’ali kwinhonhola mu bidhuubo by’omuntu. Yaaja ng’agha abantu okugalaga mu by’amagezi, mu by’obukulembeze ni mu nsambo ye bagwaine okwebisaamu ng’Abakurisito. Yabagha amagezi ku bintu kamaala, yaabagha n’engeri ye babe bakolengamu ebintu ng’Abakurisito. Mu ebyo mulimu bino: obukombe, obwavu, okulebwa, eneebisa enkalamu, okuboolagana, okwikiriza mu bikolwa, enkozesa ey’olulimi, amagezi, okusoolasoola, okwekudumbaza, okwewooya, okusalira omuntu omusango, okwesaaka, obuguminkiriza, n’okusaba.
Embaluwa eno eta inho amaani ku ky’obukulu obw’ebikolwa, ng’ekoba eti okwikiriza kuli n’okujiiraku ebikolwa mu ndhikiriza ey’Ekikurisito.
Ebirimu nga bwe biiraganwaku
Enhandhula 1:1
Okwikiriza n’amagezi 1:2-8
Obwavu n’obukombe 1:9-11
Okugezesa n’okuleba 1:12-18
Okuwulira n’okukola 1:19-27
Okulabula ku kuboolagana 2:1-13
Okwikiriza n’ebikolwa 2:14-26
Omukurisito n’olulimi lwe 3:1-18
Omukurisito n’ensi 4:1—5:6
Okugalaga okw’ensambo kamaala 5:7-20