EKITABO KYA
HOSEA
Enhandhula
Hosea omulanzi yakola ogw’obulanzi mu kiketezo ekyayetebwanga Isiraeli, ekyalinga ku luuyi olw’omukono omugooda olw’e buvandhuba. Amosi omulanzi n’eyamusooka okulanga mu kiketezo ekyo. Mu biseera ebyo ghaaligho ebizibu kamaala nga Samaria bali kumpi okukighangula, era baamala baakighangula mu mwaka ogwolusanvu n’abiri n’omulala (721) nga Kurisito akaali kwidha.
Hosea kyamulumanga inho okubona ng’Abaisiraeli baalekera okuba abeesigwa ye Katonda, baasinzanga ebintu ebitali Katonda. Ekikolwa eky’Abaisiraeli ekyo eky’obutaba beesigwa ye Katonda, Hosea yakyoleka mu bikolwa, mwene bwe yafumbirwa omukazi atali mwesigwa eyayetebwanga Gomeri. Nga Gomeri oyo bwe yafuuka atali mwesigwa ye Hosea iba, n’abantu ba Katonda batyo bwe baava ku Musengwa Katonda. Era olw’ekyo Isiraeli erisalirwa omusango. Aye ate olw’okuba Katonda agonza abantu be obutalekera, alimala yaabaiza y’ali era yaizaagho enkolagana nabo.
Okugonza kwa Katonda okwo Hosea akwogeraku ati: “Abaisiraeli nsobola ntya okubaghaayo? Imwe Abaisiraeli, nsobola ntya okubalekulira agho? Omwoyo gwange tigunganha kukikola kuba mbagonza inho ebitaloodheka.” (11:8)
Ebirimu nga bwe biiraganwaku
Obufumbo bwa Hosea n’amaka ge 1:1—3:5
Obukwenda obuvumirira Abaisiraeli 4:1—13:16
Obukwenda obw’okwenenia, n’ekisuubizo 14:1-9