3
Hosea n’omukazi atali mwesigwa
1Agho Musengwa Katonda yankoba ati: “Ja kabiri ogonze omukazi omwenzi ali n’omusaadha owundi y’ayenda. Omugonze nga nze Musengwa Katonda bwengonza Abaisiraeli, waire nga bakyuka baasinza bakatonda abandi era baasanhukira inho okughaayo emizabbibu egikaziibwa3:1: emizabbibu egikaziibwa: Abantu baagikozesanga inho mu kusinza emisambwa kwe baakolerangamu obwamalaaya obw’omu masabo, nga balowooza bati emisambwa giidha kuyamba abalimi okubaza einho emere olw’ekikolwa ekyo eky’abantu. ng’ebigheebwayo eri bakatonda abo.”
2Kale naasasula omwandu gwa bitundu ikumi na bitaanu ebya feeza, ni kilo kikumi n’ataanu edha sayiri. 3Naamukoba nti: “Oteekwa okumala ekiseera ekireeyi ng’oli wange. Otakola bwamalaaya waire okwenda omusaadha owundi, era zeena ntyo bwendidha okwebisa y’oli.”
4Mu nsambo ng’oti n’eyo, Abaisiraeli boona balimala ekiseera kireeyi nga bazira kyabazinga waire omukulembeze, nga bazira misengo gye baghaayo waire okuba n’empango dh’amabaale edhisinzibwa, nga bazira bivaalo bakabona bye bakozesa mu kulagula waire okuba n’ebifaananie ebisinzibwa ebyetebwa terafimu.3:4 ebifaananie ebisinzibwa ebyetebwa terafimu: Mu Luheburayi “Teraphim.” Ebintu ebyo tibimanhiibwa bukalamu makulu gaabyo. 5Aye mu biseera eby’oluvainhuma abantu bange Abaisiraeli balikyuka, kabiri baira eri Musengwa Katonda waibwe n’eri Daudi kyabazinga waibwe. Baliiramu okutya Musengwa Katonda oyo, era baafunanga ebirungi ebiva y’ali.