12
1“Abaisiraeli bye bakola biziramu muganhulo.
Kuli ng’oti n’okwaya empewo eva e buvandhuba, n’ogibingirira olunaku
lwonalwona.
Beeyongera bweyongere kuguya na kukola bikolwa bya bukambwe.
Bakola endagaano ni Assiria,
era baasuubulagana ni Misiri.”
2Musengwa Katonda ali n’omusango gw’avunaana Abayudaaya,
era alibonereza ni Isiraeli olw’eneebisa abantu baayo ye beebisaamu.
Alibeesasuulizaaku olw’ebikolwa byaibwe ebibi.
312:3: Mainh 25:26 12:3-4: Mainh 32:24-26 Dhaadha waibwe Yakobo yagemerera mu mukono gwe ekibbonge kya muganda we Esau,
nga bakaali mu nda ya inhaibwe.
Yakobo oyo bwe yakula yaalwana ni Katonda.
412:4: Mainh 28:10-22Yalwana ni malaika yaaghangula,
era yalira ng’asaba okugheebwa enkabi.
Bwe yali e Betheli yabona Katonda
era Katonda oyo yaayogera naye.
5Katonda oyo nga ni Musengwa Katonda Afuga Amagye,
era eriina lye ni Musengwa Katonda.
6Kale imwe baidhukulu ba Isiraeli, mwire ye Katonda waimwe oyo aidha kubayambanga.
Mwekalangulenga okugonzania n’okukola amazima.
Era aghazira kukoogha naire, muteegererenga okubona ky’anaabakoleranga.
Ebindi Musengwa Katonda by’avunaana Abaisiraeli
7Musengwa Katonda akoba ati:
“Abaisiraeli ti beesigwa, bali ng’oti basuubuzi abakozesa minzaani enkyamu,
okuseera be basuubulagana nabo.
8Bakoba bati, ‘Tuli bakombe,
era ebintu ebingi bye tuli nabyo,
ghazira asobola kutulumiriza
ati twabifuna mu kukupankupania.’
912:9: Lev 23:42-43 Aye nze, ninze Musengwa Katonda waimwe,
eyabatoola mu nsi Misiri.
Era ndibaleetera kabiri okusula mu ntindi
nga dhe mwasulangamu nga muli mu irungu.
10Nayogeranga n’abalanzi,
naabaleeteranga okubonekerwa emikuzi kamaala.
Era naabitanga mu balanzi abo okulabula abantu bange, nga bakozesa enfumo
dhe nabaghanga.
11Abakozi b’ebibi ab’omu Gileadi,
bwenebwene balizikirira.
N’alutaari edh’omu Giligali dhe bagheeraku ente enume ng’emisengo,
dhirifuuka ng’oti mmungo dha mabaale edhiri mu nimiro.”
1212:12: Mainh 29:1-20 Yakobo yalumukira mu nsi Aramu,
yaatuuka eyo yaayayiranga omuntu entaama,
ng’apakasa asobole okufuna omukazi.
1312:13: Kuv 12:50-51 Musengwa Katonda yatuma omulanzi,
yaaja yaatoola Abaisiraeli mu nsi Misiri era yaabalabirira.
14Abaisiraeli baasonsoonia Musengwa Katonda, baamuleetera okubasungughalira einho.
Kale Musengwa Katonda talibasonigha olw’emisango gy’obutemo gye baiza.
Alibabonereza olw’okumuleetera okuvumirirwa.