1
11:1: 2 Bakyab 14:23—15:7; 15:32—16:20; 18:1—20:21; 2 Byom 26:1—27:8; 28:1—32:33Buno n’obukwenda Musengwa Katonda bwe yatuma Hosea mutabane wa Beeri, mu biseera bakyabazinga bano bye baafugiramu Buyudaaya: Uzzia, Yothamu, Ahazi, ni Hezekia. Era ni mu biseera kyabazinga Yeroboamu mutabane wa Yehoashi bye yafugiramu Isiraeli.
Abaana ba Hosea ni mukazi we
2Omukuzi ogwasooka Musengwa Katonda okwogerera mu Hosea, Musengwa Katonda oyo yakoba Hosea ati: “Ja ofumbirwe omukazi atali mwesigwa malaaya, ozaale naye abaana ab’obwamalaaya, kuba abantu bange banviireku nze Musengwa Katonda, tibakaali beesigwa naire.”
3Kale Hosea yaaja, yaafumbirwa Gomeri mughala wa Dibulaimu, era Gomeri oyo yaatoola enda, yaazaala omwana mulenzi.
41:4: 2 Bakyab 10:11 Musengwa Katonda yaakoba Hosea ati: “Mutuume eriina ‘Yezireeli,’ kuba esigaireyo ekiseera kitono mbonereze kyabazinga wa Isiraeli olw’obutemo dhaadha we Yehu bwe yakolera e Yezireeli.1:4: Yezireeli: Mu kibuga ekyo Yehu mwe yatemulira kyabazinga wa Isiraeli ghalala n’ab’oku lulyo lwa kyabazinga oyo boonaboona. Olwo Yehu oyo yaafuuka kyabazinga eyasooka mu bufuzi obw’ab’oku nda ya Yehu (Bona 2 Bakyab Enkenga 9–10). Nja kulekeza ab’oku nda ya Yehu okufuga obwakyabazinga bwa Isiraeli. 5Era mu kiseera ekyo, ndisaaniagho eby’okulwanisa bya Isiraeli mu kyetebwa Ekiiko ky’e Yezireeli.”
6Gomeri yaatoola enda kabiri, yaazaala omwana mughala. Musengwa Katonda yaakoba Hosea ati: “Mutuume eriina ‘Tasaasirwa,’ kuba nze tikaasaasira Baisiraeli, waire okubasonigha. 7Aye ndisaasira ab’omu Buyudaaya naabawonia abazigu baibwe, nze Musengwa Katonda waibwe, nga tikozeisa lutalo: tirikozesa bulaso, oba empiima, oba embalaasi, oba abalwanira ku mbalaasi.”
8Gomeri bwe yamala okukuza mughala we Tasaasirwa n’ava ku mabeere, yaatoola enda kabiri era yaazaala omwana mulenzi. 9Musengwa Katonda yaakoba Hosea ati: “Mutuume eriina ‘Tiibantubange,’ kuba imwe timukaali bantu bange, era zeena tikaali Katonda waimwe.”
Abaisiraeli baja kwizibwagho
101:10: Rom 9:26Abaisiraeli baliba bangi inho ng’oti musenho gwa ku nhandha ogutasoboka kubalibwa oba okupimwa. Mperaano Katonda abakoba ati: “Timuli bantu bange,” aye ekiseera kirituuka yaabakoba ati: “Muli baana ba Katonda omulamu.” 11Abantu ab’omu Buyudaaya n’ab’omu Isiraeli baliiramu okuba aghalala, beerondera omukulembeze mulala. Era ebintu biriiramu okubajiira obukalamu mu nsi yaibwe. Bwenebwene olunaku lw’e Yezireeli luliba lukologho inho.