1
Katonda ayogerera mu Mwana we
1Eira Katonda yayogeranga ni badhaadha baife emikuzi kamaala era mu nsambo kamaala ng’abita mu balanzi. 2Aye mu nnaku dhino edhisembayo yaayogera n’ife ng’abita mu Mwana we, ye yataagho okuba mwene bintu byonabyona, era ye yabitamu okutonda ensi. 3Mu oyo ekitiisa kya Katonda mwe kibonekera, era mu oyo mwe tubonera irala Katonda nga bw’afaanana. Era oyo n’agemereire ebintu byonabyona n’ekibono kye eky’amaani. Bwe yamala okuwonia abantu ebibi byaibwe, yaatyama mu igulu ku luuyi olw’omukono omusaadha ogw’oyo asinga boonaboona obukumu.
Obukulu bw’Omwana wa Katonda
4Mwana yagheebwa ekitiisa ekisinga ekya bamalaika, era nga bwe yagheebwa eriina erisinga agaibwe ekitiisa 5kuba naani ku bamalaika Katonda ye yaali akobyeku ati:1:5: Zab 2:7; 2 Sam 7:14; 1 Byom 17:13
“Iwe oli mwana wange,
olwaleero nkuzaire?”
Oba ati:
“Ndidha kuba Ise,
ate mwene abe mwana wange.”
6Era Kabiri ng’ali kumpi okutuma mu nsi Omwana we omuberi yaakoba ati:1:6: Ma 32:43
“Bamalaika ba Katonda boonaboona, bamusinzenga.”
7Era bw’ayogera ku bamalaika akoba ati:1:7: Zab 104:4
“Katonda afuula bamalaika be empewo,
abagheereza be yaabafuula enimi edh’omuliro.”
8Aye bw’ayogera ku Mwana akoba ati:1:8-9: Zab 45:6-7
“Obwakyabazinga bwo, Katonda ow’ekitiisa, bwa byanda na byanda
era ofuga abantu bo mu butuufu:
9Ogonza obutuufu waakyagha obudheemu
Katonda wo kyeyava akulonda
era n’akugha okusangaalira mu kitiisa
okusinga baino boonaboona.”
10Era akoba ati:1:10-12: Zab 102:25-27
“Iwe Musengwa, mu kwinhama watonda ensi
era n’ebiri mu igulu, n’iwe owabikola n’engalo dho.
11Ebyo biriwaagho, aye iwe olisigalagho ebyanda n’ebyanda
era byonabyona birikairigha ng’oti bivaalo.
12Olibizingaku ng’ekidhuuba
era birikyusibwa ng’oti bivaalo.
Aye iwe tokyukakyuka,
era obulamu bwo tibuwaagho.”
13Aye naani ku bamalaika be, ye yaali akobyeku ati:1:13: Zab 110:1
“Tyama ghano ku luuyi lwange olw’omukono omusaadha,
okutuusa lwe ndifuula abazigu bo
ekintu kw’ota ebigere.”
14Kale bamalaika ti n’emyoyo egigheereza Katonda, gy’atuma olw’abo ab’okulokolebwa?