EMBALUWA PAULO YE YAGHANDIIKIRA
AB’E GALATIA
Enhandhula
Amawulire Amalungi agagema ku Yesu Kurisito bwe gaakoberwa abantu abatali Bayudaaya era ni bagasangaalira, agho ghaidhagho okwebuuza oba omuntu yali ateekwa okugondera Amateeka ga Musa okusobola okuba Omukurisito omutuufu. Paulo ng’akoba ati ekyo tikyetaagisa, kuba omusingi gwene omutuufu ogw’obulamu obw’Ekikurisito, kwikiriza. Abantu bafuulibwa batuufu ye Katonda lwa kwikiriza. Aye mu Bikunsu eby’Abaikiriza mu Kurisito eby’omu Galatia mwaidhamu abantu abaatakania Paulo, nga bakoba bati omuntu ateekwa n’okugondera Amateeka ga Musa, memale yaafuulibwa omutuufu ye Katonda.
Embaluwa Paulo ye yaghandiikira ab’e Galatia, yaghandiikibwa olw’okwiza abantu abo abaali bali kudaaliima olw’endhegeresa eyo ey’obuguya, baire ku ndhikiriza entuufu. Atoolera na kukakasa nga bw’ali n’obukumu obw’okwetebwa omutume wa Yesu Kurisito. Era yaayongera okukakasa ng’okwetebwa kwe okuba omutume bwe kwava ye Katonda, se ti mu buyinza bwa bantu; era ng’obutume bwe, bwe bwali obw’okukolerwa okusingira irala mu abo abatali Bayudaaya. Olwo yaaja nga agha ensonga dhe okukakasa ng’okwikiriza kwonka bwe kuleetera abantu okufuulibwa abatuufu ye Katonda. Mu nkenga edhifundikira, Paulo alaga ng’eneebisa ey’Ekikurisito bw’eva mu kugonza, ate okugonza ni kuva mu kwikiriza Kurisito.
Ebirimu nga bwe biiraganwaku
Enhandhula 1:1-10
Obukulu Paulo bw’ali nabwo ng’omutume 1:11—2:21
Amawulire Amalungi ag’ekisa kya Katonda 3:1—4:31
Eidembe ery’Omukurisito ni by’ateekwa okukola 5:1—6:10
Okufundikira 6:11-18