EKITABO KYA
EZERA
Enhandhula
Ekitabo kya Ezera kyongereza ku byaghandiikibwa mu Kitabo ky’Ebyomubyanda bya Bakyabazinga. Kiinhonhola ensambo Abayudaaya abaava mu bunhage e Babilonia ye bairamu ewaibwe, era kyainhonhola n’obulamu bwe baalingamu mu Yerusalemu ng’omwo n’omuli n’ensambo ye baasinzangamu. Ebyaligho byonabyona byasengekebwa biti: (1) Kyabazinga ow’e Perusia alagira ekikunsu eky’Abayudaaya ekisooka, okwira ewaibwe nga kiva e Babilonia. (2) Abayudaaya bazimba buyaaka eisinzizo, baalitukuza, era bairamu okusinza Katonda nga bwe baakolanga eira.
(3) Ekikunsu ekindi eky’Abayudaaya kiira e Yerusalemu, nga ghabiseeghooku emyaka. Ekikunsu ekyo Ezera omunamateeka eyali ng’aidhi einho Amateeka ga Katonda, yakikulemberamu era yaayamba abantu okutegeka obuyaaka obulamu bwaibwe n’okwizaagho okusinzanga Katonda waibwe, eyo nga n’engeri esobola okukuuma obughangwa bwa Isiraeli mu by’omwoyo.
Ebirimu nga bwe biiraganwaku
Abaasooka okwira okuva mu bunhage 1:1—2:70
Abaisiraeli bazimba buyaaka eisinzizo, era baalitukuza 3:1—6:22
Ezera aira n’Abaisiraeli abandi abaali mu bunhage 7:1—10:44