EKITABO KYA
ESITHERI
(MU LUGUREKI)
Enhandhula
Ekitabo kya Esitheri okukiiza mu lulimi Olugureki, baakikyusa nga bakitoola mu Kitabo kya Esitheri ekyali mu lulimi Oluheburayi. Baakigaziyaamuuku era baakisengeka mu nsambo eyali ng’etuukana n’abasomi ab’Olugureki. Ebintu ebyabaagho ebyaghandiikibwaku mu bitabo byombi n’ebirala, era n’ensambo ebintu ebyo ye biiraganwaku n’endala. Aye ghaligho endhawukana inho mu kwinhonhola ebintu ebyo nga bwe byabaagho, n’endhawukana mu maina ag’abantu n’ag’ebifo. Era ghaligho n’endhawukana mu ngeri okwikiriza ye kwolekebwamu.
Ebintu omukaaga bye baayongeramu ni babibala ng’enkenga A okutuuka ku nkenga F mu kitabo kino ekyakyusibwa mu Lugureki, bireetera enhandhula yaakyo okukyukamuuku, byaleetera n’engeri ye kifundikiramu yoona okukyukamuuku. Era bireetera ebyo ebighandiikiibwa mu kitabo kino okuba nga bisengekeibwa bukalamu, era byakakasa okwikiriza nga byongerezaaku okusaba ye Katonda, n’ensambo Katonda oyo ye yairangamu okusaba okwo.
Ebirimu nga bwe biiraganwaku
Esitheri afuuka inhebantu A:1—2:23
Hamani akola olukwe okuzikiriza Abayudaaya 3:1—5:14
Hamani aitibwa 6:1—7:10
Abayudaaya baghangula abazigu baibwe 8:1—F:10
Ebyongeirwaku