1
1Ninze Paulo omutume wa Kurisito Yesu eyafuuka omutume olw’okwenda kwa Katonda.1:1: Bik 18:19-21; 19:1 Mpandiikira abatuukirivu boonaboona abali mu Efeso, abaikiriza mu Kurisito Yesu.
2Katonda Iseife ni Musengwa Yesu Kurisito abaghe enkabi n’emiraala.
Emikisa mu Kurisito
3Katonda era Lata wa Musengwa waife Yesu Kurisito, eyatugha mu Kurisito kiisi mukisa gwa Mwoyo oguva mu igulu, agheebwe ekitiisa. 4Katonda ng’abita mu Kurisito, yali yamala ira okutulonda nga n’ensi ekaali kutondebwa, tube batuukirivu abaziraku musango mu maiso ge. 5Olw’okutugonza, yatufuula baana be ng’abita mu Yesu Kurisito, nga bwe yakitutondera mu kusiima kwe. 6Olwo tumusaake olw’okutwoleka ekisa mu kitiisa kye, kye yatugheera mu Mwana we omugonzi ng’ekirabo. 7Olw’okufa kwa Kurisito ng’omusengo, tufuna okununulwa nga tusoniyibwa ebibi byaife olw’ekisa kya Katonda ekyodo,1:7: Kol 1:14 8kye yatugemerwa. Katonda mu magezi ge goonagoona ni mu kumanha kwe, 9yatumanhisa ekyama eky’ebyo bye yayenda, bye yali yategeka eira okutuukiririza mu Kurisito. 10Entegeka eyo aligituukiriza ng’ekiseera kyayo kituuse, ng’ayimba ghalala mu Kurisito ebintu byonabyona ebiri mu igulu n’ebiri mu nsi.
11Katonda akola byonabyona nga bw’ayenda ng’ajiira ku ntegeka ye, mu Kurisito oyo 12mwe yatulondera. Ife abaasooka okuba n’eisuubi mu Kurisito, tubeegho nga tusaaka ekitiisa kya Katonda. 13Era mu Kurisito oyo, n’imwe mwena abaawulira ekibono eky’amazima eky’Amawulire Amalungi ag’okulokolebwa kwaimwe era ni mwikiriza Kurisito, Katonda yabasibaku akamanhiso ng’abagha Mwoyo Mutukuvu ye yasuubiza. 14Mwoyo Mutukuvu oyo n’omusingo okukakasa nga tulifuna ebyo Katonda bye yatusuubiza, tusaake ekitiisa kye.
Paulo asaba Katonda
15Olw’ebyo, zeena okuva bwe nawulira nga bwe mwikiriza Musengwa Yesu, era nga bwe mugonza abatuukirivu boonaboona, 16tirekeranga kweyanza Katonda ku lwaimwe. Mbaidhukira, naabasabira, 17Katonda wa Musengwa waife Yesu Kurisito, Lata ow’ekitiisa, abaghe Mwoyo ow’amagezi era ayoleka, mumumanhe. 18Abazibule amaiso ag’omwoyo mubone ebyo bye yasuubiza bwe yabeeta, mumanhe obukombe obuli mu ebyo eby’ekitiisa by’abiikira abatuukirivu. 19Era mumanhe amaani ge agataloodheka agakolera mu ife abaikiriza. Amaani ago 20n’ago geene agaazuukiza Kurisito, ni gamutyamya mu igulu ku mukono omusaadha ogwa Katonda,1:20: Zab 110:1 21n’afuga obufuzi, n’obukumu, n’amaani eby’omu ibbanga. Era mumanhe ng’ali n’ekitiisa ekisinga ebitiisa byonabyona, ti mu byanda bino byonka aye ni mu biriiragho. 22Katonda yata ebintu byonabyona mu bufuzi bwa Kurisito, yaamufuula omutwe ogw’ekikunsu eky’abamwikiriza mu byonabyona.1:22: Zab 8:61:22-23: Kol 1:18 23Ekikunsu ekyo n’omubiri gwa Kurisito. Kurisito oyo n’akifuula ekiramba, oyo afuula byonabyona ebiramba buli ghantu woonawoona.