EKITABO
KY’OMULANGIRIZI
Enhandhula
Omughandiisi w’ekitabo kino ekyetebwa Omulangirizi, yeebuuza amakulu agali mu bulamu obw’omuntu, kuba tibutegeerekeka era bwidhwire obuguya, okutuntuzibwa, n’okudaagadaaga, ate nga bumpi inho. Omughandiisi oyo era alemwa okutegeera engeri dha Katonda aleetera ebintu okubaagho mu bulamu bw’omuntu. Kyava n’akoba ati: “Mu bulamu muzira muganhulo.”
Aye waire nga biri bityo, omughandiisi akubiriza abantu okukola einho n’okwesanhukizanga einho nga bwe basobola ku birungi Katonda by’abagha, kasita aba ng’akaabibagha.
Ebindi ku bidhuubo by’omughandiisi oyo biboneka okuba nga bimalamu amaani era byagemya n’enaku. Aye eky’okuba nti ekitabo kino ekyetebwa Omulangirizi kibalirwa mu bitabo ebiri mu Baibuli, ako kamanhiso akooleka nti okwikiriza okuli mu Baibuli kugazi inho okusobozesa n’ebidhuubo ng’oti n’ebyo ebirimu n’okubuusabuusa, byona okuba mu Baibuli omwo.
Eriyo abantu abawulira mule obulungi, bwe babona ng’ekitabo kino kituukaana n’embeera ye balimu, era ni baazuula nga Baibuli yeene eyo erimu ebidhuubo ng’oti n’ebyo ebirimu n’okubuusabuusa, kabiri yeene eyo n’ekugha eisuubi mu Katonda oyo agha obulamu amakulu agasinga agho.
Ebirimu nga bwe biiraganwaku
Obulamu bulimu makulu ki? 1:1—2:26
Ensambo edhoogera ku bulamu 3:1—11:8
Okugha amagezi agasembayo 11:9—12:8
Okufundikira 12:9-14