EKITABO KYA
DANIELI
Enhandhula
Ekitabo kya Danieli kyaghandiikibwa mu biseera ghe ghaabeeragho kyabazinga eyali nga tatya Katonda. Kyabazinga oyo yadaazadaaza, yaatuntuza era yaakiriga Abayudaaya inho. Omughandiisi w’ekitabo kino yakozesa enfumo, n’ebyali mu kubonekerwa, yaizaamu abantu ab’omu biseera bye amaani, babe n’eisuubi nti Katonda aidha kuleetera omufuzi oyo omukakali okugwa, olwo aizeegho eighanga lya Isiraeli eryefuga lyene.
Ekitabo kino kirimu ebitundu ebikulu bibiri: Ekitundu ekisooka kirimu enfumo edhigema ku Danieli ni ku baine abandi ku abo be yali nabo mu bunhage. Nga bano okwikiriza kwe baali nakwo mu Katonda n’okumugondera, kwabaleetera okughangula abazigu baibwe. Enfumo edho dhoogera ku biseera eby’obufuzi bw’e Babilonia n’obw’e Perusia. Ekitundu ekyokubiri kirimu ebyali mu kubonekerwa kwa Danieli nga bwe kwajanga nga kwiraganwaku. Okubonekerwa kuno kwali kamanhiso ak’ebyo ebyali bija okubaagho nga biraga okwidhagho n’okugwa okw’obwakyabazinga obugheraku nga bwe bwajanga nga bwiraganwaku era nga obwakyabazinga obusookerwaku n’obw’e Babilonia. Okubonekerwa kuno kwalagula n’okugwa kw’omufuzi oyo ataatyanga Katonda era eyatuntuzanga Abayudaaya. Era kwayoleka n’obughanguzi abantu ba Katonda bwe baatuukaku oluvainhuma.
Ebirimu nga bwe biiraganwaku
Danieli ni baine 1:1—6:28
Okubonekerwa kwa Danieli 7:1—12:13
a. Ebisolo ebina 7:1-28
b. Entaama enume n’embuzi 8:1—9:27
c. Omukwenda eyava mu igulu 10:1—11:45
d. Ekiseera eky’enkomerero 12:1-13