4
1Imwe basengwa b’abairu, mubisenga abairu baimwe bukalamu nga bwe kigwaine, nga mwidhukira nga mwena muli ni Musengwa waimwe mu igulu.4:1: Efe 6:9
Okugalaga
2Mwekalangulenga mu kusaba, era nga mwisangayo omwoyo ku bye musaba, era nga mweyanza. 3Ate twena mutusabire, Katonda atusobozese okukobera abantu ekibono kye, tubamanhise ekyama ekiri mu Kurisito ekyansibisa mu ikomera. 4Kale munsabirenga nkyogere nga bwe nteekwa, kitegeerekeke bukalamu. 5Mwegenderezenga nga mukolagana n’abo abakaali kwikiriza Kurisito, kiisi kaghagaanhia ke muba nako mukakozese bukalamu.4:5: Efe 5:16 6Mu kwogera mukozesenga ebibono ebiwooma era ebigwaine, nga kiisi abuuza mwidhi eky’okumwiramu.
Okusiibula
7Tukiko owoluganda waife omugonzi, omukozi wa Kurisito omwesigwa era mugheereza munaife mu mirimo gya Musengwa, aidha kubakobera byonabyona ebinfaaku.4:7: Bik 20:4; 2 Tim 4:124:7-8: Efe 6:21-22 8Era kyenva ndi kumubatumira abakobere twenatwena bwe tuli, mwiremu emyoyo. 9Ali kwidha ni Onesimo, owoluganda omugonzi era omwesigwa, ate nga era w’eyo ewaimwe. Baidha kubakobera byonabyona ebifa eno.4:9: Filem 10-12
10Arisitaruko musibe munange abalamwisa ni Mariko omwiwa wa Barunaba. Mariko ono ni ye nabakoberaku nti bw’aidhanga ye muli mumusangaaliranga.4:10: Bik 19:29; 27:2; Filem 24; Bik 12:12, 25; 13:13; 15:37-39 11Owundi abalamwisa ni Yesu abandi ye beeta Yusito. Mu bantu be nkola nabo ku lw’Obwakyabazinga bwa Katonda, abo ni bonka abakekete era bandhizaamu inho amaani.
12Epafura, owundi ku abo ab’ewaimwe, ate era omugheereza wa Kurisito Yesu, abalamwisa. Buliidho abasabira n’omwoyo gwe gwonagwona mwekalangule ng’abantu abakulu abeekakasa mu ebyo Katonda by’ayenda.4:12: Kol 1:7; Filem 23 13Nze mwene nkighaaku obudhulirwa nti akoze inho ku lwaimwe ni ku lw’abantu b’e Laodikea n’e Hierapoli. 14Mukagwa waife Luka omuyigha ni Dema babalamwisa.4:14: 2 Tim 4:10, 11; Filem 24
15Muunamukize aboluganda abali e Laodikea, muunamukize Nunfa n’Ekikunsu ky’Abaikiriza mu Kurisito abeesololeza mu ndhu ye. 16Embaluwa eno bw’emala okubasomerwa, mubone nga esomerwa n’Ekikunsu ky’Abaikiriza mu Kurisito ekiri e Laodikea. Era mwena musome eyo ab’e Laodikea ye balibagheereza.
17Mukobere Arikippo muti: “Oteekwa okumaliriza omulimo gwe wagheebwa mu bugheereza bwa Musengwa.”4:17: Filem 2
18Ninze Paulo mpandiise okulamusa kuno n’omukono gwange gwene. Mundidhukirenga mu busibe bwange.
Enkabi dha Katonda dhibe n’imwe.