5
15:1-2: Isa 52:1; 61:3-10; Kwol 21:2 Yerusalemu, toolamu ebivaalo by’obairenga ovaala ng’olira amaziga mu kiseera eky’okudaazibwadaazibwa kwo. Mpegaano vaala okumesunkana okw’ekitiisa kya Katonda okutawaagho ebyanda n’ebyanda. 2Vaala obutuufu bwa Katonda ng’oti kivaalo, era ovaale ku mutwe gwo engule ey’ekitiisa kya Katonda oyo abaagho ebyanda n’ebyanda. 3Katonda aja kwoleka okumesunkana kwo eri amaghanga goonagoona ag’oku nsi. 4Era alikutuuma eriina lino ebyanda n’ebyanda ati: “Emiraala egiva ku butuufu, n’ekitiisa ekiva mu kutya Katonda.”
5Yerusalemu, situka oje oyemerere ku ngulu ku lusozi, obone Katonda Omutukuvu bw’ali kusoloza abaana bo okuva e buvandhuba n’e bugwandhuba. Bali kusagamba okuba nti Katonda abaidhukiire. 6Abaana bo abo baatwalibwa abazigu baibwe, baakulekagho nga batambuza bigere. Aye Katonda ali kubaiza y’oli nga bababbeedereire mu bitiibwa ng’oti bakyabazinga. 7Katonda yalagira ati buli lusozi lugungumavu, na buli kasozi akatavaagho ebyanda n’ebyanda, biri n’okusendebwa. Era yaalagira ati ebiiko biri n’okwidhuzibwamu eitaka bitereezebwe. Olwo Abaisiraeli baire bukalamu eka mu kitiisa kya Katonda. 8Era Katonda oyo yaalagira ati ebibira by’emiti egiwunha akawoowo bija kumeruka ghabeegho ebinsense olw’Abaisiraeli. 9Olwo Katonda oyo aja kwiza Abaisiraeli eka nga bali mu kusagamba, nga bakulembeirwa okusaasira kwe n’obutuufu bwe, era ng’obutangaavu bwe obw’ekitiibwa bubeetooloire.