1
Ebyandhula
11:1: Yer 36:4 Ekitabo kino kyaghandiikibwa Baruku mutabane wa Neraia, era nga mwidhukulu wa Mahaseia, ni Zedekia, ni Hasadia, ni Hilikia. Yakighandiikira e Babilonia 2ku lunaku olwomusanvu olw’omwezi, mu mwaka ogwokutaanu Abababilonia gwe baagemeramu ekibuga Yerusalemu ni bakyokya omuliro. 31:3-4: 2 Bakyab 24:8-17 Baruku yasomera Yekonia mutabane wa Yehoiakimu eyali kyabazinga wa Buyudaaya ebiri mu kitabo kino, era n’abantu abandi boonaboona nga beesoloiza okubiwulira. 4Abakungu, abalangira, abambeedha, abantu abakulu mu ighanga, n’abantu boonaboona abakulu n’abato, baidha mu Babilonia ku mwiga Sudi baabiwulirisa. 5Ekitabo bwe kyasomwa, abantu boonaboona baalira amaziga, baasiiba era baasaba Musengwa. 6Bwe baamala, baasoloza empiiya nga buli muntu bwe yali asobola okughaayo. 7Empiiya dhe baasoloza baadhigheereza eri Yehoiakimu Omukulu wa Bakabona mutabane wa Hilikia era mwidhukulu wa Shallumu, n’eri bakabona abandi, era n’abantu boonaboona abaali e Yerusalemu ni Yehoiakimu oyo.
8Ku lunaku olweikumi mu mwezi ogwetebwa Sivani, Baruku yaatoola ebikozesebwa mu isinzizo ebitukuvu bye baali batoire mu isinzizo ni babitwala e Babiloni, yaabiizaayo e Buyudaaya. Ebyo byali nga n’ebintu ebya feeza Zedekia mutabane wa kyabazinga Yosia owa Buyudaaya bye yalagira bakole, 9nga kyabazinga Nebukadinezzari owa Babilonia amaze okugema eby’entaka, Yehoiakini, n’abafuzi abandi, n’abantu abakugu mu mirimo egy’endhawulo, n’abakungu, n’abantu abandi abaali mu Yerusalemu, yaabatwala e Babilonia.
Embaluwa eyaja e Yerusalemu
10Abantu baaghandiika bati:
Tubagheereiza empiiya edho mudhikozese okugula ensolo edh’ebigheebwayo ebyokebwa, n’edh’ebigheebwayo olw’ebibi, n’okugula obubbaani n’obuwunga obw’ebigheebwayo eby’emere ey’empeke. Mu bigheeyo ku alutaari ya Musengwa Katonda waife. 11Era musabire kyabazinga Nebukadinezzari ow’e Babilonia ni mutabane we Beleshazzari baghangaale ng’eigulu bwerighangaala. 12Agho Musengwa aidha kutughanga amaani era atugalagirenga. Nebukadinezzari ni mutabane we Beleshazzari baidha kutukuumanga, ate ife tubenga bawulize ye bali obulamu bwaife bwonabwona, olwo batusiimenga. 13N’ife twena mutusabire ye Musengwa Katonda waife, kuba twakola ebibi y’ali era akaatusungughaliire ni ye buli eno. 14Tubasaba musome ekitabo kino kye tubagheereiza, mwatule ebibi byaimwe beene mu isinzizo ku mbaga edh’ebibinuko ebyalagirwa ni ku nnaku enkulu edhindi entukuvu dhe mwesolokezaaku.
Okwatula ebibi
15Mugwaine okwatula ebibi byaimwe nga mukoba muti: “Musengwa Katonda waife mutuufu buliidho. Aye okutuusa ni ye buli eno, ife twenatwena abantu ab’e Buyudaaya, abantu ab’e Yerusalemu, bye tukola bitugemya n’ensoni. 16Bakyabazinga baife, n’abakungu baife, ni bakabona baife, n’abalanzi baife, ni badhaadha baife, twenatwena tuswala inho, 17kuba twakola ebibi ye Musengwa Katonda waife 18era twamudheemera, twaloba kumuwulira waire okujiira ku biragiro bye. 19Okuva ku lunaku Musengwa oyo lwe yatoola badhaadha baife mu nsi Misiri okutuusa ni leero tukaamudheemera, era tituli beesigwa y’ali. 201:20: Ma 28:15-68 Era olw’ekyo, ni ye buli eno tukaadaagadaaga olw’ebikolimo Musengwa bye yatukolimira ng’abita mu Musa omugheereza we, lwe yakulembera badhaadha baife okuva e Misiri okuja okutugha ensi engimu era erimu ebirungi kamaala. 21Twaloba okugondera ebyo Musengwa Katonda waife bye yatukoba ng’abita mu balanzi. Aye buli muntu yaajiira ku ebyo omwoyo gwe omubi bye gwenda. Era twajiira ku bakatonda abandi, twakola ebibi ye Musengwa.