EKITABO KYA
AMOSI
Enhandhula
Amosi yasooka kuba mwayi ow’e Tekoa mu Buyudaaya. Obulanzi yabukola agho nga ghagati mu kyasa ekyomunaana nga Kurisito akaali kwidha. Yali ng’asimuka mu Buyudaaya, ekiri ku luuyi olw’omukono omusaadha olw’e buvandhuba olwa Yerusalemu. Aye obulanzi yaabukolera mu kiketezo eky’obwakyabazinga bwa Isiraeli, ekiri ku luuyi olw’omukono omugooda olw’e buvandhuba. Ebiseera ebyo byali bikalamu, abantu kamaala nga bakombe, era nga ghaligho emiraala n’okutya Katonda.
Aye Amosi yabona ng’abakombe babisa bubi abaavu, era ng’okutya Katonda okwaligho kwa buguya, n’emiraala egyaligho nga gyona tigyesigika. Kale yeeghaayo nga tatya, yaalanga ng’akobera abantu ati Katonda aja kubonereza ensi yaibwe. Era yaakubiriza abantu okukola ebituufu, “bikuuluule ng’oti maadhi.” Yaakoba ati: “Oba katyo Musengwa Katonda aligemerwa abaliwonagho ku Baisiraeli ekivunika (5:15).”
Ebirimu nga bwe biiraganwaku
Katonda asalira amaghanga agaliiraine Isiraeli omusango 1:1—2:5
Katonda asalira Isiraeli omusango 2:6—6:14
Okubonekerwa okw’emikuzi etaanu 7:1—9:15