1
1Bino n’ebibono bya Amosi, eyali omwayi ow’oku kyalo Tekoa, ng’ekaabulayo emyaka ebiri musisi abite. Mu kiseera ekyo Uzzia yali nga ni kyabazinga ow’e Buyudaaya, ate Yeroboamu mutabane wa Yehoashi, yaaba nga n’owa Isiraeli. Katonda yayoleka Amosi ebintu bino byonabyona ebyali bija okuba ku Isiraeli.
21:2: Yoe 3:16 Amosi yakoba ati:
“Musengwa Katonda awologoma ku lusozi Sioni,
era yaakaabuka mu Yerusalemu.
Ebyayiro abaayi mwe baayira bikala,
n’eisubi ku lusozi Karumeli lyawotoka.”
Katonda asalira amaghanga agaliiraine Isiraeli omusango
Siria
31:3-5: Isa 17:1-3; Yer 49:23-27; Zek 9:1 Musengwa Katonda akoba ati: “Abantu ab’e Siria bakoze ebibi emikuzi kamaala. N’olw’ensonga eyo nteekwa buteekwe okubabonereza. Kuba baabisa abantu ab’e Gileadi mu bukambwe obutaloodheka. 4Kale nja kusindika omuliro gwokye ekisaagaati kya kyabazinga Hazaeli, era gusenkeenhe ebifo byonabyona eby’okwewogomamu ebya kyabazinga Benihadadi. 5Era nja kumenha olwigi olwigala ekibuga ekyo Damasiko, nzikirize abantu ababa mu kiiko ekyetebwa Aveni, n’omufuzi ow’e Bethedeni. Abantu ab’e Siria baja kutwalibwa mu nsi Kiri nga banhage.”
Filisitia
61:6-8: Isa 14:29-31; Yer 47:1-7; Ezek 25:15-17; Yoe 3:4-8; Zef 2:4-7; Zek 9:5-7 Musengwa Katonda akoba ati: “Abantu ab’e Filisitia bakoze ebibi emikuzi kamaala. N’olw’ensonga eyo nteekwa buteekwe okubabonereza kuba baatwala abantu ab’eighanga eiramba nga banhage, baabatunda mu Edomu babe abairu. 7Kale nja kusindika omuliro gwokye ekimante ekyezungulwire ekibuga Gaza, era gusenkeenhe ebifo byakyo byonabyona eby’okwewogomamu. 8Era nja kuzikiriza abafuzi ababa mu bibuga Ashidodi ni Ashikeloni, era mbonereze ekibuga Ekuroni, n’Abafilisiti abaliba bawoniegho bazikirire.”
Tiro
91:9-10: Isa 23:1-18; Ezek 26:1—28:19; Yoe 3:4-8; Zek 9:1-4; Mat 11:21-22; Luk 10:13-14 Musengwa Katonda akoba ati: “Abantu ab’e Tiro bakoze ebibi emikuzi kamaala. N’olw’ensonga eyo nteekwa buteekwe okubabonereza kuba baatwala abantu ab’eighanga eiramba mu bunhage mu nsi Edomu, baaloba kukuuma ndagaano ye baakola. 10Kale nja kusindika omuliro gwokye ekimante ekyezungulwire ekibuga ekyo Tiro, era gusenkeenhe ebifo byakyo byonabyona eby’okwewogomamu.”
Edomu
111:11-12: Isa 34:5-17; 63:1-6; Yer 49:7-22; Ezek 25:12-14; 35:1-15; Obad 1-14; Mal 1:2-5 Musengwa Katonda akoba ati: “Abantu ab’e Edomu bakoze ebibi emikuzi kamaala. N’olw’ensonga eyo nteekwa buteekwe okubabonereza kuba baayiiga baganda baibwe1:11 baganda baibwe: Abaisiraeli baasimuka mu Yakobo muganda wa Esau, eyasimukamu Abaedomu. Abaisiraeli, baabaita aghazira kusaasira naire. Era obusungu bwaibwe bwaloba kukendeeraku naire, aye baabusiba ku mwoyo enaku dhoonadhoona. 12Kale nja kusindika omuliro gwokye ekibuga Temani, era gusenkeenhe ebifo byonabyona eby’okwewogomamu ebiri e Bozira.”
Ammoni
131:13-15: Yer 49:1-6; Ezek 21:28-32; 25:1-7; Zef 2:8-11 Musengwa Katonda akoba ati: “Abantu ab’omu Ammoni bakoze ebibi emikuzi kamaala. N’olw’ensonga eyo nteekwa buteekwe okubabonereza kuba, mu ntalo dhe baalwana okugaziya ekiketezo kyaibwe, baasalanga amabunda g’abakazi be baayagaananga nga bali nda mu Gileadi. 14Kale nja kusindika omuliro gwokye ekimante ekyezungulwire ekibuga Rabba, era gusenkeenhe ebifo byakyo byonabyona eby’okwewogomamu. Ghaja kubaagho okuleekaana ku lunaku olw’olutalo, era okulwana kuja kuwuuma ng’oti ni kiwunga ow’amaani. 15Olwo kyabazinga ow’Abammoni balimutwala mu bunhage aghalala n’abakungu be.”