EMBALUWA EYOKUBIRI PAULO YE YAGHANDIIKIRA
TIMOTHEO
Enhandhula
Ekitundu ekisinga bunene eky’Embaluwa Eyokubiri Paulo ye yaghandiikira Timotheo kirimu magezi ge yagha Timotheo mu buntu, ng’agamugha nga mukozi mwine ate omubeezi we omuto okumusinga. Ekikulu mu mbaluwa eno kiri ku kugumira bizibu. Paulo agha Timotheo amagezi era yaamugumya obutalekera agho kughanga budhulizi ku Yesu Kurisito, ate abughenga n’obwesigwa. Era yaayongera okumugumya okwekalanguliranga ku Mawulire Amalungi ni ku Ndagaano Enkaire bye byegeresa, era n’okukolanga emirimo gye: ogw’obwegeresa n’ogwokusansaania Amawulire Amalungi ng’ayolekaine n’okudaagadaaga era n’okutakanizibwa.
Okusinga einho, Timotheo alabulwa ku bizibu ebiri mu kweyimba mu kutakana okw’ekisirusiru era okuziramu makulu; kuba ekyo kiziramu muganhulo okutoolaku okwitaitana obw’abo abawulirisa.
Mu bino byonabyona, Timotheo aidhukizibwa obulamu n’ekigendererwa kya Paulo mwene omughandiisi w’embaluwa eno. Ng’amwidhusa okwikiriza kwe, okuguminkiriza kwe, okugonza kwe, okugumira ebizibu kwe, n’okudaazibwadaazibwa kwe mu kukirigibwa.
Ebirimu nga bwe biiraganwaku
Enhandhula 1:1-2
Okusaaka n’okulamba 1:3—2:13
Okugha amagezi n’okulabula 2:14—4:5
Ebyali biri ku Paulo mu kiseera ekyo 4:6-18
Okufundikira Embaluwa eno 4:19-22