EMBALUWA EYOKUBIRI PAULO YE YAGHANDIIKIRA
AB’E THESSALONIKA
Enhandhula
Abantu baali n’ebidhuubo ebitabuletabule era ebitagemagana ku kwira kwa Kurisito okwali kusuubirwa, era kino kyaleetagho okutabuka kunene mu Kikunsu eky’Abaikiriza mu Kurisito eky’e Thessalonika. Embaluwa eyokubiri Paulo ye yaghandiikira ab’e Thessalonika egema ku ndhikiriza ekoba eti olunaku lwa Musengwa olw’okwiriraku lwatuuka ira. Paulo agondhoola ekirowoozo kino ng’ainhonhola ati, nga Kurisito akaali kwira, ebibi n’obukozi bw’ebibi birisooka byatuuka ku idaala erisembayo nga bikulemberwamu ekintuntu ekitategeerekeka bukalamu ekyetebwa “Omubi Isaababi” (2:3), ng’atakania Kurisito.
Omutume Paulo yakitaamu inho amaani eky’abasomi ab’embaluwa ye okusigala nga bali n’okwikiriza okutatengeeta, ni bweghabaagho obuzibu n’okudaagadaaga. Ekindi ky’ataaku amaani n’eky’okubakoba bakolenga emirimo gyaibwe, beeyemerezeegho beene ng’oti ni Paulo mwene ni bakozi baine bwe baakolanga. Era beefunhirire ku kukolanga obukalamu.
Ebirimu nga bwe biiraganwaku
Enhandhula 1:1-2
Okusaaka n’okwogera obukalamu ku b’e Thessalonika 1:3-12
Okugalaga ku bigema ku kwira kwa Kurisito 2:1-17
Okulamba okugema ku nneebisa y’Ekikurisito 3:1-15
Okufundikira embaluwa eno 3:16-18