2
Omubi Isaababi
1Mperaano, aboluganda, ka tubakobere ku bigema ku kwira kwa Musengwa waife Yesu Kurisito, ni ku ky’okusololezebwa gh’ali. Tubakubiriza,2:1: 1 Thes 4:15-17 2mulobe kuwubisibwa mangu mutyo mu birowoozo byaimwe, oba okutabulwa muti oba katyo olunaku lwa Musengwa lutuuse kuba musobola okuba nga mulowooza muti oba katyo twakikoba mu kulanga, oba mu kulamba oba mu mbaluwa. 3Ghatabangagho muntu yeenayeena abaguya mu nsambo yoonayoona, kuba olunaku olwo tiruja kutuuka okutuusa ng’okudheema okusembayo kumaze okutuuka, n’omuntu Omubi Isaababi ow’okuzikirira ng’amaze okweyoleka. 4Oyo n’atakania era ni yeegungumaza okusinga kiisi kyetebwa katonda, oba ekintu kyonakyona ekisinzibwa. Aja ni mu isinzizo lya Katonda yeetyebeka omwo nga yeeyeta mwene okuba Katonda.2:4: Dan 11:36; Ezek 28:2
5Timwidhukira nga lwe nali n’imwe nabakobera ebintu bino? 6Era mwidhi bukalamu ekikaamulobera okweyoleka buti, memale ekiseera kye kituuke yeeyoleke. 7Obudheemu obukolera mu kyama buligho era bukola ogwabwo. Aye ekija okubaagho tikiribaagho okutuusa oyo akirobera okubaagho lw’alitoolebwagho. 8Olwo ni ng’Omubi Isaababi oyo yeeyoleka. Aye Musengwa Yesu lw’aliidha aja kumwita n’omuuka gwe ogw’omu kanwa, era aja kumuzikiriza n’okumesunkana okw’okwidha kwe.2:8: Isa 11:4 9Omubi Isaababi oyo aliidha n’amaani ga Sitaani era alikola obumanhiso n’ebyewuunhio eby’obuguya ebya buli nsambo.2:9: Mat 24:24 10Alikozesa obuguya bwa Sitaani obwa buli nsambo ku abo ab’okuzikirira, kuba baaloba okusangaalira n’okugonza amazima balokolebwe. 11Katonda kyava abaleetera okudobana ni baikiriza eby’obuguya. 12Ekirivaamu n’abo boonaboona abaaloba okwikiriza amazima ni basangaalira ekibi, okusalirwa omusango okubasinga.
Mwalonderwa kulokolebwa
13Aboluganda abadingu ba Musengwa, tuli n’okusiima Katonda buli kaseera olwa imwe kuba Katonda yabalobolamu okuviira irala mu kwinhama, mulokolebwe nga mutukuzibwa Mwoyo era nga mwikiriza amazima. 14Kino kye yabeetera ng’abita mu Mawulire Amalungi ge twabakobera, mufune ekitiisa kya Musengwa waife Yesu Kurisito. 15Agho ni, aboluganda, mwekalangulire ku by’amazima bye twabeegeresa, mu bibono bye twayogera ni mu mbaluwa yaife.
16Musengwa waife Yesu Kurisito mwene, era ni Katonda Lata eyatugonza olw’ekisa kye n’atugha eisanhu eritawaagho n’okusuubira ebirungi, 17abagumye emyoyo era abaghe amaani mu birungi byonabyona bye mukola ni bye mwogera.