EMBALUWA EYOKUBIRI EYAGHANDIIKIBWA
PETERO
Enhandhula
Eno n’Embaluwa Eyokubiri eyaghandiikibwa Petero, ng’agighandiikira Abakurisito kamaala aba buli nsambo, abaaligho ng’Obukurisito bwakatoolereza. Ekigendererwa ekikulu eky’embaluwa eno n’okulwanisa endhegeresa ey’abeegeresa abaguya, era n’okulwanisa obudankaanu obwavanga mu ndhegeresa eyo. Engeri ey’okweghala okutwalirizibwa ebyo, eri mu kumanhira irala Katonda era ni Musengwa waife Yesu Kurisito. Okumanha okwo kutoolebwa ku bantu beene abaabona ni bawulira Yesu mwene ng’ayegeresa. Petero asinga kwefunhirira ku kya kutakania endhegeresa ekoba eti: Kurisito ti wa kwira. Akoba ati ekiboneka ng’oti n’okulwa okwa Yesu okwira, kireetebwa kugonza kwa Katonda, “kuba tayenda naire muntu mulala ati kuzikirizibwa. Ayenda abantu boonaboona beenenie, bave mu bibi byaibwe” (3:9).
Ebirimu nga bwe biiraganwaku
Enhandhula 1:1-2
Okwetebwa okw’omu Bukurisito 1:3-21
Abeegeresa abaguya 2:1-22
Okwidha kwa Kurisito okulisembayo 3:1-18