EMBALUWA EYOKUBIRI PAULO YE YAGHANDIIKIRA
AB’E KORINTHO
Enhandhula
Embaluwa Eyokubiri Paulo ye yaghandiikira ab’e Korintho, yaghandiikibwa mu kiseera ghe ghaabeereragho ekizibu ghagati ghe n’Ekikunsu eky’Abaikiriza mu Kurisito eky’e Korintho. Ghaaligho abantu ab’omu kikunsu ekyo abaali bali kunenia Paulo obubi einho, aye Paulo yaabooleka nga bwe yeegombanga einho ghabeegho okutuuka ku kwisania ghagati ghe nabo, era yaasangaala inho ekyo bwe baakituukaku.
Ebisookerwaku mu mbaluwa eno, Paulo yabighandiika ku nkolagana ghagati ghe n’Ekikunsu eky’Abaikiriza mu Kurisito eky’e Korintho, ng’ainhonhola lwaki yairamu n’obukambwe abo abaali bamuvuma n’abo abaali bamutakania mu kikunsu ekyo. Era ayoleka nga bwe yasangaala einho olw’obukambwe obwo okuviiramu abantu bale okwenenia n’okutuuka ku kwisania nabo. Olwo yaakubiriza Ekikunsu eky’Abaikiriza mu Kurisito ekyo, kigabe n’omwoyo mulala olw’okuyamba Abakurisito abali mu bwetaavu ab’omu Buyudaaya.
Mu nkenga edhisembayo Paulo yeewozaaku olw’obutume bwe, ng’atakania abo abatonotono abaali beetairegho beene ng’abatume, era nga bakoba nga Paulo bw’alimba nga yeeyeta omutume.
Ebirimu nga bwe biiraganwaku
Enhandhula 1:1-11
Paulo n’Ekikunsu eky’Abaikiriza mu Kurisito eky’e Korintho 1:12—7:16
Ebirabo olw’Abakurisito ab’omu Buyudaaya 8:1—9:15
Paulo yeewozaaku olw’obuyinza bw’ali nabwo ng’omutume 10:1—13:10
Okufundikira embaluwa eno 13:11-13