EMBALUWA ESOOKA PAULO YE YAGHANDIIKIRA
TIMOTHEO
Enhandhula
Timotheo yali Mukurisito muto ow’omu nsi Asia Entono. Yali mutabane w’omukazi Omuyudaaya n’omusaadha Omugureki. Yafuuka omubeezi wa Paulo era yaatoolera okubitanga naye nga bakola omulimo ogw’okusansaania ekibono kya Musengwa, mu baali nga tibakiwulirangaku oba nga tibakitegeera. Embaluwa esooka Paulo ye yaghandiikira Timotheo egema ku bintu ebikulu bisatu.
Okusooka erabula Abakurisito okwesamba endhegeresa ensobu eyali mu Kikunsu eky’Abaikiriza mu Kurisito mu biseera ebyo. Endhegeresa eno yali ntabuletabule, nga mulimu Ekiyudaaya n’ebintu ebindi ebiva eruuyi. Ekikulu mwalimu endhikiriza ekoba eti ensi ku bwayo mbi era omuntu tasobola kulokolebwa okutoolaku ng’afunie okumanha okutali kwabuliidho ate nga kwa kyama. Era mbu ng’omuntu ali n’emironso gy’ateekwa okutuukiriza: ng’okwesamba ebika eby’emere ebindi, obutabayiza oba okubayira, n’ebindi ebiri oti n’ebyo.
Embaluwa era erimu okugalaga ku ndabirira n’ensinza ey’Ekikunsu eky’Abaikiriza mu Kurisito, era yainhonhola ensambo abakulembera ekikunsu ekyo n’ababeezi baibwe ye bateekwa okwebisaamu.
Ekisembayo embaluwa eno erimu amagezi agaagheebwa Timotheo, nga g’ali n’okujiiraku memale asobole okuba omugheereza omukalamu owa Yesu Kurisito. Era erimu n’ebimubandhibwa okukolera ebikunsu eby’endhawulo eby’abaikiriza.
Ebirimu nga bwe biiraganwaku
Enhandhula 1:1-2
Okugalagira Ekikunsu eky’Abaikiriza mu Kurisito n’abakulu baakyo 1:3—3:16
Okugalagira Timotheo ku bugheereza bwe 4:1—6:21