EKITABO KYA
SAMUELI
EKISOOKA
Enhandhula
Mu Kitabo kya Samueli Ekisooka, mulimu ebigema ku nkyukakyuka edhaaligho mu Isiraeli, okuva ku kiseera Abalamuzi kye baafugiranga Isiraeli okutuuka ku kiseera bakyabazinga kye bainhamiramu okufuga. Enkyukakyuka edho mu Isiraeli dhisinga kugema ku bantu bano abasatu: Samueli, eyasembayo okufuga mu balanzi abakologho; Saulo, kyabazinga wa Isiraeli eyasooka; ni Daudi eyakola ebyewuninkiriza ng’akaali kufuuka kyabazinga, era ebyo bye yakola byogerwaku mu byafaayo ebigema ku Samueli ni mu byafaayo ebigema ku Saulo.
Ekigendererwa eky’ekitabo kino, okufaananaku n’ebighandiiko ebindi eby’ebyafaayo ebiri mu Ndagaano Enkaire, kiri nti: okwikiriza Katonda kuleeta obughanguzi, ate obudheemu bwaleeta okuzikirira. Ekyo kyeyoleka bukalamu mu bibono Musengwa Katonda bye yakoba Eli kabona mu 2:30 ati: “Abo abantaamu ekitiisa, be ndidha okutangamu ekitiisa, ate abo abaanhooma, tibaateebwengamu kanhagansi.”
Ekitabo kino kyogera ku ndowooza edh’endhawulo edhaaligho ku bigema ku kutaagho obwakyabazinga. Musengwa Katonda mwene n’eyali kyabazinga wa Isiraeli, aye olw’okusaba okw’abantu, Musengwa Katonda oyo yabalondera kyabazinga. Ekintu ekikulu kiri nti Katonda n’eyafuganga kyabazinga oyo era n’Abaisiraeli boonaboona aghalala, era nga n’abalamula (Bona 2:7-10). Mu mateeka ga Katonda, kyali nti ebintu omuntu by’agwaine okukolerwa ng’omuntu, byali n’okutuukirizibwa, omuntu oyo k’abe mukombe oba mwavu.
Ebirimu nga bwe biiraganwaku
Samueli nga n’omulamuzi wa Isiraeli 1:1—7:17
Saulo afuuka kyabazinga 8:1—10:27
Emyaka egyasooka mu bufuzi bwa Saulo 11:1—15:35
Daudi nga bali ni Saulo 16:1—30:31
Okufa kwa Saulo ni batabane be 31:1-13