EMBALUWA ESOOKA EYAGHANDIIKIBWA
PETERO
Enhandhula
Eno n’Embaluwa Esooka eyaghandiikibwa Petero nga ya Bakurisito, ghano b’ayeta “abo Katonda be yalobolamu,” abaali basansaaniire mu biketezo eby’oku luuyi olw’omukono omugooda olw’e buvandhuba ebyali mu nsi Asia Entono. Ekikulu kyene ekyaghandiikisa embaluwa eno kyali kya kubagumya, kuba baali boolekaine n’okukirigibwa era n’okudaazibwadaazibwa olw’okwikiriza kwaibwe. Kino Petero akikola ng’abaidhusa Amawulire Amalungi aga Yesu Kurisito, ge balimu n’eisuubi olw’okufa kwe n’olw’okuzuukira kwe era n’olw’ekisuubizo eky’okwira kwe. Olw’eisuubi eryo, baali nga bali n’okuganha era n’okuguminkiriza okudaazibwadaazibwa okwo, nga baidhi bukalamu nga kwali kwa kugezesa kwikiriza kwaibwe. Era nga baidhi nti baja kugheebwa empeera “ku lunaku Yesu Kurisito lw’alyolekebwa”.
Ku kubaizaamu amaani okwo mu kaseera ako akaali akazibu, Petero ayongerezaaku eky’okubakubiriza okwebisa obukalamu ng’abantu aba Kurisito.
Ebirimu nga bwe biiraganwaku
Enhandhula 1:1-2
Okubaidhusa obulokozi bwa Katonda 1:3-12
Okulamba okugema ku kuba mu bulamu obutukuvu 1:13—2:10
Omukurisito by’ateekwa okukola mu biseera eby’okudaazibwadaazibwa 2:11—4:19
Obuwombeefu obw’Omukurisito n’obugheereza bwe 5:1-11
Okufundikira 5:12-14