10
Alekisandero Epifane afuula Yonathani okuba Omukulu wa Bakabona
1Mu mwaka ogwekikumi n’enkaaga (160),10:1: omwaka ogwekikumi n’enkaaga (160): Ogwo nga n’omwaka ogwekikumi n’ataanu n’ebiri (152) nga Kurisito akaali kwidha. Alekisandero Epifane, mutabane wa Antioko Owokuna, yaatuuka mu Putolemai, yaakigema. Abantu baamusangaalira, yaatoolera okuba kyabazinga waibwe. 2Kyabazinga Demetirio bwe yakiwulira, yaasoloza eigye einene einho, yaaja okumulwanisa mu lutalo. 3Mu kiseera ekyo Demetirio oyo yaagheereza Yonathani embaluwa ey’omukwano ng’erimu okumusuutiriza. 4Yaakoba mule ati: “Ife ka twesooke okuleetagho emiraala ghagati ghaife n’Abaisiraeli, nga Alekisandero akaali kwisania nabo kutulwanisa. 5Kuba bwenebwene Yonathani oyo aja kwidhukira ebibi byonabyona bye twamukola mwene, ni bye twakola baganda be n’eighanga lye lyonalyona.” 6Kale Demetirio oyo yaakolagana ni Yonathani, yaamugha obukumu okwekoleragho eigye erirye ku bubwe, alifunire n’eby’okulwanisa. Yaalagira balekule n’abasibe abaali bali kukuumirwa mu kifo eky’okwewogomamu e Yerusalemu ng’omusingo, babagemye Yonathani.
7Agho Yonathani yaaja e Yerusalemu, yaasoma embaluwa eyo ng’abantu boonaboona bawulira. Yaamala yaagisomera n’abaali mu kifo eky’okwewogomamu. 8Era abo bwe baawulira nga kyabazinga amughaire obukumu okwekoleragho eigye erirye ku bubwe, baatya inho. 9Baamugha abasibe, yaabaizaayo eri abazaire baibwe.
10Yonathani oyo yaabeera irala e Yerusalemu eyo, yaatoolera okuzimba ekibuga obuyaaka. 11Yaagha ekiragiro abazimbi bakozese amabaale ag’ensonda eina edhaagayaga, nga bazimba ebimante okwezunguluza ekibuga n’okwezunguluza olusozi Sioni, lusobole okukuumibwa obukalamu. Era baakola batyo. 12Agho abantu abava ndha abaali mu bifo Bakkide bye yali azimbye nga bya kwewogomamu, baalumuka mu bifo ebyo 13buli muntu yaava mu kifo ghe baali bamutaire yairayo ewaibwe ye yava. 14Okutoolaku mu kibuga Bethizuri mwonka, n’omwasigalaku Abayudaaya abandi abaadheemera Amateeka ga Katonda n’ebiragiro bye, kuba mu kibuga ekyo mwe baalumukiranga olw’okwewonia.
15Agho kyabazinga Alekisandero yaawulira ebyo byonabyona Demetirio bye yasuubiza Yonathani. N’abantu baamughayira entalo Yonathani oyo ni baganda be dhe baalwana, n’ebikolwa bye baakola nga baziramu ntete naire, ghalala n’ebizibu bye baagumira. 16Kale yaakoba mule ati: “Tulyagaana gha omusaadha ali ng’oti n’oyo? Ka tumufuule mukagwa waife ye tunaakolagananga naye.” 17Agho yaamughandiikira embaluwa yaagimugheereza, ng’esoma eti:
18“Nze kyabazinga Alekisandero, nkulamwisa iwe mukagwa wange Yonathani. 19Twawulira nga bw’oli omulwani w’entalo ow’amaani aziramu ntete, agwaniire okuba mukagwa waife. 20Kale olwaleero luno nkutairegho obenga Omukulu wa Bakabona ow’eighanga lyo, era nkughaire n’okwetebwanga ‘Mukagwa wa Kyabazinga’. Oidha kubanga ku luuyi lwaife ng’okolagana n’ife.”
Yaamugheereza ekivaalo kya langi ya nakasooma eky’abakungu, n’engule eya zaabu. 21Yonathani oyo yaavaala ebivaalo ebitukuvu ng’Omukulu wa Bakabona mu mwezi ogwomusanvu mu mwaka ogwekikumi n’enkaaga (160),10:21: mu mwaka ogwekikumi n’enkaaga (160): Ogwo nga n’omwaka ogwekikumi n’ataanu n’ebiri (152) nga Kurisito akaali kwidha. ku lunaku olw’Ekibinuko eky’Entindi. Yeekoleragho eigye erirye ku bubwe, era yaata mu iterekero eby’okulwanisa kamaala.
Yonathani ayamba Alekisandero Epifane
22Demetirio bwe yabiwulira enaku yaamugema inho. Yaakoba ati: 23“Kiki kino kye tukoze, ni tuleka Alekisandero okutwesooka okukola omukwano n’Abayudaaya afune amaani? 24Zeena nja kubaghandiikira embaluwa ebasuutasuuta, mbasuubize okubagha obukulu n’ebirabo, olwo baneeyimbeku.” 25Kale yaabagheereza obukwenda obukoba buti:
“Nze kyabazinga Demetirio, mbalamwisa imwe ab’eighanga ly’Abayudaaya. 26Tuli basangaavu okuwulira nga mukaakuumye endagaano ye mwakola n’ife, mwasigala nga muli bakagwa baife, mwaloba kwira ku luuyi lwa bazigu baife. 27Ni mpegaano mweyongere bweyongere kuba beesigwa ye tuli, twena twidha kubasasulamu ebirungi mu ebyo bye mutukolera. 28Twidha kubatwikula emisolo kamaala nga tigikaabasolozebwaku, mufune n’omukisa okugheebwanga ebintu ebirungi ebindi. 29Okuva ni mpegaano nsaziizaamu okusolozanga ku Bayudaaya omusolo ogwabuliidho, n’empooza ku muunhu, n’emisolo egindi egitali gya nsambo ndala. 3010:30: 1 Bamak 11:34 N’ekitundu eky’emere y’empeke ekirala ku buli bitundu ebisatu ebikungulwa, n’okugabanirangamu ghagati buli bibala bye mukungula, bye mwandibaire muteekwa okumpanga, byona mbibasoniighe. Okuva n’olwaleero tibikaasolozebwa mu Buyudaaya, ni mu biketezo ebisatu ebyatoolebwa ku Samaria ni ku Galilaaya ni bigaitibwa ku Buyudaaya. 31Yerusalemu n’ebiketezo ebikyezungulwire, biidha kubanga bitukuvu era bisoniyiibwa emisolo n’empooza. 32N’ekifo eky’okwewogomamu ekiri mu Yerusalemu kyona nkitoire mu buyinza bwange, naakita mu bw’Omukulu wa Bakabona akitengamu b’ayenda bakikuume. 33Abayudaaya boonaboona be baagema mu lutalo, ni babatoola mu Buyudaaya ni babatwala nga basibe mu kiketezo kyonakyona eky’obwakyabazinga bwange, mbalekwire nga ghazira na kye baghaireyo lwa kununulwa. Era mbasoniighe emisolo n’empooza ku byayo byaibwe. 34Mu biketezo byonabyona eby’obwakyabazinga bwange, Abayudaaya boonaboona tibaasolozebwengaku musolo ku nnaku dha Sabbato, ni ku dh’Ebibinuko eby’Okuboneka kw’Omwezi, ni ku dh’ebibinuko ebindi ebyateebwagho. Era omusolo tiguusolozebwenga mu nnaku eisatu edhikulembera ekibinuko, n’enaku eisatu edhiiririra ekibinuko. 35Mu nnaku edho, tighaabengagho muntu yeenayeena anaabanga na bukumu kubasasuza musolo waire okubasungughaza mu nsambo yoonayoona.
36“Abayudaaya baidha kwingizibwanga mu igye lya kyabazinga okugherera irala abantu emitwalo esatu (30,000). Era baidha kufunanga empeera n’endala ng’ey’abaisirukale ba kyabazinga abandi boonaboona. 37Abandi ku abo baidha kukuumanga mu bifo bya kyabazinga ebikologho eby’okwewogomamu, abandi bateebwenga mu bifo ebitongole eby’obuvunaanizibwa mu bwakyabazinga. Baidha kutoolanga abakungu n’abakulembeze baibwe okuva mu beene, bajiirenga ku mateeka n’empisa ebyaibwe, nga kyabazinga bw’alagiire olw’abantu b’omu Buyudaaya.
38“Ebiketezo ebisatu ebyatoolebwa ku Samaria ni bigaitibwa ku Buyudaaya, binaabalirwanga ku Buyudaaya nga bitwalibwa omufuzi mulala ati, Omukulu wa Bakabona, oyo yenka ye binaagonderanga. 39Omusolo n’empooza ebinaavanga mu kibuga Putolemai n’ebiketezo byakyo, mbighaireyo ng’ekirabo eri eisinzizo mu Yerusalemu olw’okusasuliranga ebyetaago byalyo. 40Nsuubiza buli mwaka okutoolanga mu ndyanga y’obwakyabazinga ebitundu bya feeza omutwalo mulala n’enkumi itaanu (15,000), mbighengayo ng’ekirabo. 41N’empiiya abafuzi dhe baaghangayo mu myaka egibise aye nga buti babaire tibakaadhighaayo, dhoona baidha kudhighangayo okuva n’olwaleero, olw’okuyambaku emirimo gy’eisinzizo. 42N’ebitundu bya feeza enkumi eitaanu (5,000) abakungu bange bye baafunanga buli mwaka okuva ku mpiiya edhaingiranga mu ndyanga y’eisinzizo, buti biidha kubanga bya bakabona abagheereza mu isinzizo. 43Kiisi muntu ali n’eibandha lya kyabazinga oba eibandha erindi lyonalyona, bw’anaalumukiranga mu isinzizo mu Yerusalemu oba mu kindi ku bifo by’eisinzizo eryo, tibaamugemenga mwene waire okugemanga ebintu bye mu bwakyabazinga bwange. 44Mu ndyanga ey’obwakyabazinga n’omwidha okuvanga empiiya okusasulira ebyetaagisa okwiramu okuzimba eisinzizo liizibwe buyaaka. 45Era mu ndyanga yeene eyo ey’obwakyabazinga, n’omwidha okuvanga empiiya okusasulira okuzimba ebimante ku Yerusalemu okukyezunguluza, n’okuzimba ebimante ku bibuga by’omu Buyudaaya.”
46Yonathani n’abantu be bwe baawulira ebyo kyabazinga Demetirio bye yasuubiza, baaloba kubiikiriza waire okubisiima, kuba baali bakaidhukira ebibi ebitaloodheka bye yakola eighanga Isiraeli, n’engeri ye yabadaazadaazaamu einho. 47Kale baalondagho okweyimba ku Alekisandero, kuba n’eyasooka okwogera nabo eby’okuleetagho emiraala. Era baasigala nga bakaali ku luuyi lwe ekiseera kyonakyona kye yamala nga mulamu.
48Agho kyabazinga Alekisandero yaasoloza eigye einene, beetegeka mu nhiriri nga balinzagania ni Demetirio. 49Amagye ga bakyabazinga abo bombi bwe gaayagaanana mu lutalo, abalwani ba Alekisandero10:49: Alekisandero mu bighandiiko ebindi mulimu nti Demetirio. baakyuka baalumuka. Demetirio10:49: Demetirio mu bighandiiko ebindi mulimu nti Alekisandero. yaababingirira, yaabaghangula. 50Aye Alekisandero10:50: Alekisandero mu bighandiiko ebindi mulimu nti Demetirio. yaalwana okwekutula okutuusa endhuba okugwa, Demetirio yaitibwa ku lunaku olwo.
51Agho Alekisandero yaatuma abakwenda ye kyabazinga Putolemi ow’e Misiri ng’amukoba ati:
52“Ndhize mu bwakyabazinga bwange, naatyama ku kityamo ky’obwakyabazinga bwa badhaadha bange. Mmaze okughangula Demetirio, n’eiriza ensi yange era naatoolera okufuga. 53Namulwanisa mu lutalo naamughangula ghalala n’eigye lye, naatwala obwakyabazinga bwe. 54Mpegaano nze n’iwe ka tukole omukwano: iwe ompe mughala wo abe mukazi wange, nze mbe mukoirume wo. Iwe ni mughala wo oyo ndidha kubagha ebirabo ebibagwaniire.”
55Kyabazinga Putolemi yairamu ati: “Bwenebwene olunaku lwe wairiraku mu nsi yo n’otyama ku kityamo ky’obwakyabazinga bwa badhaadha bo, lwali lwa isanhu inho. 56Ndidha kukola nga bw’oghandiise. Aye sooka oidhe twagaanane e Putolemai, buli muntu abone ku mwine tumanhagane. Ndidha kukugha mughala wange abe mukazi wo nga bw’osabye.”
57Kale mu mwaka ogwekikumi n’enkaaga n’ebiri (162)10:57: mu mwaka ogwekikumi n’enkaaga n’ebiri (162): Ogwo nga n’omwaka ogwekikumi n’ataanu (150) nga Kurisito akaali kwidha. Putolemi ghalala ni mughala we Kuleopatura,10:57: Kuleopatura: Ono ni Kuleopatura Thea, era eyali amanhiibwa nga Kuleopatura Owokusatu. Se ti ni Kuleopatura Owomusanvu eyaligho okuva mu mwaka ogwenkaaga n’omwenda okutuuka mu gw’amakumi asatu nga Kurisito akaali kwidha, mu biseera bya Kaisari ni Mariko Antonio. baasitula baava e Misiri, baaja e Putolemai. 58Kyabazinga Alekisandero yaaja yaabaagaana eyo. Putolemi yaamugha mughala we abe mukazi we. Embaga ey’obugole baagikolera yeene eyo e Putolemai mu bitiibwa ebitaloodheka nga bakyabazinga bwe bakola.
59Agho kyabazinga Alekisandero yaaghandiikira Yonathani ng’ali kumweta aidhe amubone. 60Yonathani yaaja e Putolemai okubona bakyabazinga bombi ng’ali mu bitiibwa ebitaloodheka. Yaabagha ebirabo bya feeza ni zaabu, n’abakungu baibwe abaabagherekeraku boona yaabagabira ebirabo kamaala. Boonaboona baamusiima. 61Agho Abayudaaya ababi ab’enkwe era abadheemu, beeyimba ghalala okutakania Yonathani oyo, baamughaghabira. Aye kyabazinga Alekisandero yaaloba kubawulirisa naire. 62Yaalagira baleetere Yonathani ebivaalo eby’ekikungu ebya langi ya nakasooma, by’abe avaale. 63Yaalagira bamughe n’ekityamo ekiriinaine kyabazinga kyene, kw’abe atyame. Era yaalagira abakungu be batwale Yonathani oyo mu kibuga ghagati, balangirire nga bwe ghazira muntu yeenayeena aikirizibwa kumughaghabira musango gwonagwona waire okumuleetera obuzibu bwonabwona. 64Abaali bali kumughaghabira bwe baabona ekitiibwa ekyamugheebwa, ni bawulira n’ekiragiro ekyo, era ni babona bw’avaire ebivaalo eby’ekikungu ebya langi ya nakasooma, boonaboona baalumukagho. 65Kyabazinga yaayongera ku Yonathani ekitiibwa eky’okuba ku lukalala olw’abo abaayetebwanga “Bakagwa ba Kyabazinga” abasookerwaku. Yaamufuula na mukulu wa igye era mufuzi mu kiketezo kye. 66Yonathani yairayo e Yerusalemu mu miraala nga musangaavu.
Yonathani aghangula Apollonio
67Mu mwaka ogwekikumi n’enkaaga n’etaanu (165)10:67: Mu mwaka ogwekikumi n’enkaaga n’etaanu (165): Ogwo nga n’omwaka ogwekikumi n’ana n’omusanvu (147) nga Kurisito akaali kwidha. Demetirio Owokubiri, mutabane wa Demetirio Asooka, yaava e Kurete yaatuuka mu nsi ya badhaadha be e Siria. 68Kyabazinga Alekisandero bwe yakiwulira yeeraliikirira inho, yairayo mu Antiokia ekibuga ekikulu ekya Siria. 69Demetirio yaataagho Apollonio abe omufuzi w’e Koelesiria. Apollonio oyo yaasoloza eigye einene, baaja baasimba weema dhaibwe kumpi n’e Yamonia, era yaagheereza Yonathani Omukulu wa Bakabona obukwenda ng’amukoba ati:
70“Niiwe wenka otulwanisa, era ondeeteire okufuuka enseko dh’abalamu, wandeetera n’okunvumagania. Lwaki otudheemera ni weefuula omufuzi eyo y’oli mu kiketezo eky’oku nsozi? 71Kale oba nga weesiga eigye lyo inho, ika mu kiketezo eky’oku museetwe twagaanane twegezeemu amaani. Oidha kubona nga bwendi n’obughagizi bw’amagye g’omu bibuga. 72Oidha kuumanha nga bwendi, omanhe n’abo abaanhamba nga bwe bali. Abantu baidha kukukobera nga bw’otaidha kusobola kutulwanisa, kuba emikuzi ebiri badhaadha bo baaghangulwa mu nsi eyaibwe yeene. 73Ozira bw’onaasobola kughangula baisirukale bange ba ku mbalaasi n’eigye einene lityo, mu kiketezo eky’oku museetwe omuzira ibaale lya kwewogomamu waire ekifo agh’okulumukira.”
74Yonathani bwe yafuna obukwenda obwo obwa Apollonio, yaasungughala. Yaalondamu abaisirukale omutwalo mulala (10,000) abaali n’obumanhirivu mu kulwana, yaava nabo e Yerusalemu. Ni muganda we Simoni yeena yaidha okumuyamba. 75Baasimba weema dhaibwe kumpi n’ekibuga Yoppa. Aye abantu baamu baaloba kumuganha kukingira, kuba kyalimu enkambi y’abaisirukale ba Apollonio abakikuuma. 76Kale Yonathani yaakirumba bulumbe. Abantu baamu baatya inho, baamwiguliragho endhigi yaakigema.
77Apollonio bwe yabiwulira, yaasoloza abaisirukale enkumi isatu (3,000) ab’oku mbalaasi n’eigye einene ery’ab’oku bigere, yaayolekera Azoto ng’ali ng’oti ali kweyongerayo. Aye yaamala yaaja mu kiketezo eky’oku museetwe, kuba eyo yaliyo n’eigye lye einene ery’abaisirukale ab’oku mbalaasi, lye yali yeesiga. 78Yonathani yaaja ng’ali kumubingirira okutuuka mu Azoto, amagye gombi gaatoolera okulwanira eyo. 79Aye Apollonio yali alese ng’akwese einhuma wa Yonathani oyo abaisirukale lukumi (1,000) ab’oku mbalaasi. 80Yonathani yaja okukizuula ng’abaisirukale abo ab’oku mbalaasi baamaze ira okwetooloola eigye lye, era nga bali kulimagazaaku obusaale okuva ku nkyo okutuusa eigulo. 81Aye abasaadha ba Yonathani beekalangula nga Yonathani oyo bwe yabalagira, okutuusa abazigu baibwe abo ab’oku mbalaasi bwebaakoogha. 82Abaisirukale abo ab’oku mbalaasi amaani bwe gaamala okubawaamu, Simoni yaidha n’eigye lye yaalumba abaisirukale ba Apollonio bale ab’oku bigere, yaabaghangula baalumuka. 83Olwo n’ab’oku mbalaasi abaali basansaaniire mu kiketezo eky’oku museetwe, baalumukira mu Azoto. Beegisa mu isabo ery’omusambwa gwaibwe gwe baayetanga Dagoni. 84Aye Yonathani yaakunaania omuliro ku kibuga Azoto ni ku isabo lya Dagoni, n’abaali balirumukiiremu baasiriiriramu. Yaakunaania omuliro ni ku bibuga ebindi ebyali okumpikumpi agho, yaamala yaabinhagulula. 85Ku lunaku olwo abantu abaitirwa mu lutalo n’abaasiriirira mu muliro baaghera ng’oti kanaana (8,000). 86Eyo Yonathani yaavaayo, yaasimba weema dhe okulingiriza ekibuga Asikaloni. Abantu b’omu kibuga ekyo baafuluma okumusangaaza mu bitiibwa ebitaloodheka. 87Yonathani oyo n’abasaadha be, baamala bairayo e Yerusalemu n’omunhago mungi inho.
88Kyabazinga Alekisandero bwe yawulira ebintu ebyo byonabyona Yonathani bye yakola, yaayongera okumugha ebitiibwa ebisingagho. 89Yaamugheereza olusibiro lwa zaabu olwagheebwanga abo bonka abaatwalibwanga okuba n’oluganda ku kyabazinga. Yaamugha n’ekibuga Ekuroni ghalala n’ebiketezo ebikyezungulwire bibe nga bibye ku bubwe.