EMBALUWA YA
YOANNE
ESOOKA
Enhandhula
Eno n’Embaluwa ya Yoanne Esooka nga yaghandiikibwa lwa nsonga enkulu ibiri. Esooka, eyagighandiika yayenda okugumya abo be yaghandiikira babe nga bali mu bulamu obwisania ni Katonda era n’Omwana we Yesu Kurisito. Ensonga eyokubiri, yali ya kubalabula beesambe ebyegeresebwa eby’obuguya ebisobola okusaaniagho okwisania okwo. Ebyegeresebwa ebyo byali bijiira ku ndhikiriza ekoba eti, okwonoona kuleetebwa omuntu ajiira ku bintu eby’omu nsi ebiri n’omubiri. Era eti, olw’ekyo Yesu Omwana wa Katonda bwenebwene tasobola kuba nga yali muntu mu mubiri. Abaayegeresanga batyo, nga bakoba mbu okulokolwa kitegeeza okubaagho nga mu by’obulamu obw’ensi eno ghazira ghe bikugemeraku, waire okubaagho ebikwetaagisa okubikolaku. Era bati mbu obulokozi buzira ghe bugemaganiraku na nsambo muntu ye yeebisaamu, oba na muntu kugonzania na muntu mwine.
Ng’atakania ebyo byonabyona, mwene kughandiika mbaluwa yakitereeza bukalamu ati Yesu Kurisito yali muntu mwenemwene, era yaata inho amaani ku kino ati kiisi aikiririza mu Yesu era ng’agonza Katonda ateekwa n’okugonza bantu baine.
Ebirimu nga bwe biiraganwaku
Enhandhula 1:1-4
Obutangaavu n’enzikiiza 1:5—2:29
Abaana ba Katonda kabiri n’abaana ba Sitaani 3:1-24
Ebituufu n’ebikyamu 4:1-6
Agonza baine by’ateekwa okukola 4:7-21
Obughanguzi bw’okwikiriza 5:1-21