1
Kibono ow’obulamu
1Tubaghandiikira okubakobera ku oyo eyaligho okuviira irala ku kwinhama. Kibono ow’obulamu twamuwulira, twamubona n’amaiso gaife, twamulingirira, twamugemaku n’obwala bwaife.1:1: Yoa 1:1 2Kuba obulamu bweyoleka era twabubona, kale tukakasa era tubakobera ku bulamu obutawaagho obwali ni Lata era ni butulagibwa.1:2: Yoa 1:14 3Ekyo kye twabona era kye twawulira mwena kye tubakobera, musobole okutweyimbaku mu kwisania. Okwisania kwene kwe tuli nakwo ni Lata era n’Omwana we Yesu Kurisito. 4Ebintu bino tubibaghandiikira eisanhu lyaife lituukirire.
Katonda butangaavu
5Bye twawulira okuva y’oyo era bye tubakobera ni bino: Katonda butangaavu era aziramu nzikiiza yoonayoona. 6Bwe tukoba tuti twisania naye, aye nga tutambulira mu nzikiiza, tuba baguya era ti tukola bya mazima. 7Aye bwe tutambulira mu butangaavu ng’oyo bw’ali mu butangaavu, tuba twisania ife beene na beene era n’omusaayi gwa Yesu Omwana we gutunaazaku ebibi byonabyona. 8Bwe tukoba tuti tuzira kibi, tuba twesubagha beene era tituba ba mazima. 9Aye bwe twatula ebibi byaife, oyo omwesigwa era ow’amazima atusonigha ebibi byaife era yaatunaazaaku byonabyona ebitali bituufu. 10Bwe tukoba tuti titukolangaku kibi tuba tumufiire muguya era n’ekibono kye ti kitubaamu.