EKITABO
KY’EBYOMUBYANDA BYA BAKYABAZINGA
EKISOOKA
Enhandhula
Mu kutwalira aghalala, ebitabo ebyetebwa Ebyomubyanda bya Bakyabazinga, Ekisooka n’Ekyokubiri, biiramu okulomboodha ebyabaagho, ebyaghandiikibwa mu bitabo bya Samueli, Ekisooka n’Ekyokubiri, n’ebitabo bya Bakyabazinga, Ekisooka n’Ekyokubiri. Aye nga Ebitabo Ebyomubyanda bya Bakyabazinga ebyo, biromboodha ebintu ebyo mu nsambo eyawukanaku ku bire ebindi: biromboodha ebyafaayo eby’obwakyabazinga obw’eighanga Isiraeli nga biri n’ebigendererwa bibiri: 1. Ekigendererwa ekisooka kya kwoleka nti waire nga ghaagwangagho okusasikasasika mu bwakyabazinga bwa Isiraeli n’obwa Buyudaaya, aye Katonda yasigala ng’akaakuumye bye yasuubiza eighanga eryo. Era ng’aja bw’atuukiriza entegeka dhe ng’abita mu abo abaali nga n’ababa mu Buyudaaya. Omughandiisi akakasa ekyo ng’anokolayo ku bino ebyaligho: eby’amaani bakyabazinga Daudi ni Solomoni bye baakola; bakyabazinga Yehoshafati ni Hezekia ni Yosia bye baakola okwiza obuyaaka eidiini mu bantu; n’eky’abantu okuba nga baasigala nga bakaagumiire ku kwesiga Katonda.
2. Ekigendererwa ekyokubiri kya kwinhonhola ensambo ey’okusinzanga Katonda mu isinzizo e Yerusalemu nga bwe yasookereza, n’okusingira irala ensengeka ya bakabona n’Abalevi mu kusinza okwo nga bwe yasookereza. Era n’okwoleka nga Daudi n’eyatandiikagho eisinzizo eryo n’ensinza yaamu, waire nga Solomoni n’eyalizimba.
Ebirimu nga bwe biiraganwaku
Enkalala edh’obuzaale bw’abantu 1:1—9:44
Kyabazinga Saulo afa 10:1-14
Obufuzi bwa kyabazinga Daudi 11:1—29:30
a. Ebizibu ebyabaagho n’obughanguzi obwatuukibwaku 11:1—22:1
b. Okutegeka okuzimba eisinzizo 22:2—29:30