20
Daudi agema ekibuga Rabba
(2 Sam 12:26-31)
120:1: 2 Sam 11:1 Agho omwaka nga gutoolera, mu kiseera bakyabazinga kye bajiiramu okulwana entalo, Yoabu yaakulembera eigye yaalumba ensi eya Abammoni. Yaazingiza ekibuga Rabba era yaakizikiriza. Aye kyabazinga Daudi yaasigala e Yerusalemu. 2Daudi oyo yaatoola engule ku mutwe gwa kyabazinga waibwe 20:2 kyabazinga waibwe: Oba, ekifaananie eky’omusambwa gwaibwe Moleki. Zef 15 yaagita ku mutwe gwe. Engule eyo yali ya zaabu n’amabaale ag’omughendo einho, ng’ezitogha kilo ng’oti amakumi asatu na ina. Daudi oyo era yaanhaga ebintu kamaala inho mu kibuga ekyo. 3Era yaatwala n’abantu abaali mu kibuga omwo, yaabakozesanga emirimo nga bakozesa emisumeeni, ensuuluulu, n’empasa. Era atyo bwe yakola abantu boonaboona abaali mu bibuga eby’Abammoni byonabyona. Agho Daudi n’abantu be boonaboona bairayo e Yerusalemu.
Abaisiraeli balwana entalo n’Abafilisiti abawaigufu
(2 Sam 21:15-22)
4Ebyo nga biwoire, ghaabaagho olutalo e Gezeri ghagati gh’Abaisiraeli n’Abafilisiti. Sibbekai ow’e Husha yaita Sippai, ow’oku lulyo olw’abantu abawaigufu. Abafilisiti baaghangulwa.
520:5: 1 Sam 17:4-7 Kabiri ghaabalukagho olutalo olundi n’Abafilisiti. Elihanani mutabane wa Yairi yaita Lahimi muganda wa Goliathi Omugitti, eyali n’eifumo eryali n’olunhago olunene, olwaga n’ekiti kye balukisa engoye.
6Kabiri era yaabaayo olutalo e Gathi omwali omusaadha omukologho, ng’ali n’engalo mukaaga ku buli mukono n’obugere mukaaga ku buli kigere byonabyona aghalala n’amakumi abiri n’ebina (24). Yeena yali wa ku lulyo olw’abantu abawaigufu. 7Oyo bwe yayeeyereza Abaisiraeli, Yonathani mutabane wa Shimea muganda wa Daudi, yaamwita.
8Abo abasatu baali ba ku lulyo olw’abantu abawaigufu abaali e Gathi, era Daudi n’abasaadha be n’abaabaita.