Swahili Bible2

21

Okughangula Abakanaani

1Agho Aradi kyabazinga ow’Abakanaani eyabanga mu kiketezo ekikalukalu ku luuyi olw’omukono omusaadha olw’e buvandhuba olwa Kanaani, yaawulira ng’Abaisiraeli bali kwidhira mu ngira ebita mu Atharimu. Kale yaaja okubalumba era yaanhagaku abandi, yaabatwala nga basibe. 21:1: Kub 33:40 2Abaisiraeli beeyama eri Musengwa nga bakoba bati: “Bw’onaatugha okughangula abantu bano, twidha kuzikiriza ebibuga byaibwe tubimaliregho irala.” 3Musengwa Katonda yaaganha Abaisiraeli kye baamusaba, yaabagha okughangula Abakanaani, era baabazikiriza okubamaliragho irala aghalala n’ebibuga byaibwe. Kale ekifo ekyo baakituuma eriina Horuma. 21:3 Horuma: Mu Luheburayi “Hormah” kitegeeza “Kuzikirizibwa”

Omusota ogwakolebwa mu kyuma eky’ekikomo

4Abaisiraeli bwe baava ku lusozi Hori, baagema engira eja ku Nhandha Emyufu, basobole okwekooloobya nga tibabiseeku mu kiketezo eky’ensi Edomu. Bwe baali nga bakaatambula, abantu beesinwa olugendo. 21:4: Ma 2:1 5Kale baatoolera okwemuluguunhiza Katonda ni Musa nga bakoba bati: “Lwaki mwatutoola mu Misiri okwidha okufiira ghano mu irungu? Ghano ghazira mere waire amaadhi, era bino ebimere bitusinie.” 21:5-6: 1 Kor 10:9 6Agho Musengwa Katonda yaabasindikira emisota egy’obusagwa, gyabamoodha, Abaisiraeli kamaala baafa. 7Agho abantu baaja ye Musa baamukoba bati: “Twayonoona okwemuluguunhiza Musengwa n’iwe. Tusabire Musengwa atutooleku emisota gino.” Kale Musa yaabasabira. 8Musengwa Katonda yaalagira Musa ati: “Kola omusota ogufaanana ng’oti n’egyo egy’obusagwa, ogughanike ku mpango. Buli muntu omusota ye gunaamoodhanga bw’anaalinganga ku ogwo oguli ku mpango, aidha kuwonanga.”

Okuva ku lusozi Hori okutuuka ku kiiko eky’Abamoabu

10Agho Abaisiraeli baasitula, baaja baatuuka mu Obothi, baasimba agho weema dhaibwe. 11Bwe baasitula okuva mu Obothi, baaja baasimba weema dhaibwe mu Iye Abarimu, mu irungu eriringiriire Moabu, ku luuyi olw’e buvandhuba. 12Bwe baasitula okuva agho, baaja baasimba weema dhaibwe mu kiiko eky’e Zeredi. 13Bwe baava agho, baaja baasimba weema dhaibwe ku luuyi lule nga bamaze okusomoka omwiga Arunoni, oguli mu irungu erituukira irala ku nsalosalo y’Abamori. Omwiga Arunoni n’ogwawula ekiketezo eky’Abamoabu ku ky’Abamori. 14Mu kitabo ky’entalo dha Musengwa kyebava bakoba bati:

“Ekibuga kya Wahebu ekiri mu biketezo bya Sufa,

n’ebiiko by’oku mwiga Arunoni,

15n’obuserengeto obw’ebiiko,

ebija ni bituuka ku kibuga Ari,

kumpi n’ensalosalo ni Moabu.”

16Bwe baava agho, beeyongerayo baatuuka ku Beeri 21:16 Beeri: Mu Luheburayi “Beer” kitegeeza “Nsulo” eyo nga n’ensulo Musengwa ye yakoba Musa ati: “Soloza abantu ghalala, ndidha kubagha amaadhi.” 17Agho Abaisiraeli baayemba olwembo luno bati:

“Nsulo iwe, sembula enhindo dho

dhiveemu amaadhi,

twidha kugembera olwembo.

18Ensulo eyasimwa abakologho,

abakungu ab’abantu;

nga basimisa emiigo gyaibwe egy’obwakyabazinga,

emiigo gyaibwe egy’omu ngalo.”

Bwe baava mu irungu, baaja e Mattana. 19Bwe baava e Mattana, baaja e Nahalieli. Bwe baava e Nahalieli, baaja e Bamothi. 20Bwe baava e Bamothi, baatuuka mu kiiko ekiri mu biketezo bya Moabu gh’olengerera eirungu, kumpi n’entwiko y’olusozi Pisiga.

Okughangula bakyabazinga Sihoni ni Ogi

(Ma 2:26—3:11)

21Agho Abaisiraeli baatuma abakwenda ye kyabazinga Sihoni ow’Abamori, okumukoba bati: 22“Tukweghemba otuleke tubiteku mu nsi yo. Titwidha kubita waire mu musiri oba mu isamba ery’emizabbibu, oba okunhwa amaadhi mu nsulo. Twidha kutambulira mu luguudo mwonka, okutuusa nga tumaze okuva mu kiketezo kyo.” 23Aye Sihoni yaalobera Abaisiraeli okubita mu kiketezo kye. Era yaasoloza abantu be, yaaja nabo e Yahazi mu irungu, yaalwanisa Abaisiraeli. 24Abaisiraeli baita abasaadha be mu lutalo olwo, era baabanhagaku ekiketezo kye, okuva ku mwiga Arunoni okutuukira irala ku Bammoni, ku mwiga Yabboki kuba e Yazeri n’aghaali ensalosalo n’Abammoni 21:24 Amakulu agandi mu Luheburayi gali: Ensalosalo ey’Abammoni yali ya maani. 25Abaisiraeli baanhaga era baaba mu bibuga eby’Abamori byonabyona, nga batwaliizaamu n’ekibuga Heshiboni n’ebyalo ebikyezungulwire. 26Heshiboni kyali nga n’ekibuga ekikulu ekya kyabazinga Sihoni ow’Abamori. Einhuma ere, Sihoni oyo yali nga yamala okulwanisa eyali kyabazinga wa Moabu, yaamunhagaku ekiketezo kye, okutuukira irala ku mwiga Arunoni. 27Abembi kye baava ni bemba bati:

“Mwidhe mu Heshiboni, kizimbibwe,

leka ekibuga kya Sihoni kiizibwegho.

28Omuliro gwava mu Heshiboni;

enimi dhaagwo dhaava mu kibuga kya Sihoni.

Gwayokya ekibuga Ari ekya Moabu;

gwamamulamamula abakungu ab’ebifo ebigulumivu eby’okusinzizaamu 1 ku mwiga Arunoni. 21:28-29: Yer 48:45-46

29Mukagwireku imwe ab’e Moabu!

Muzikiriire imwe abasinza omusambwa Kemoshi!

Omusambwa ogwo gulese batabane baimwe baafuuka ekiyiigibwa,

ate baghala baimwe baafuuka abanhage ba Sihoni kyabazinga ow’Abamori.

30Abaana n’abaidhukulu tubazikiriiza okuva e Heshiboni okutuuka e Diboni,

twabasaaniagho mu bibuga, okutuukira irala e Medeba.”

31Kale mu nsambo eyo, Abaisiraeli baatyama mu kiketezo ekyali eky’Abamori. 32Era Musa yaatuma abantu baakeeta ekibuga Yazeri. Abaisiraeli baanhaga ebyalo byakyo, baabingamu Abamori abaali babibaamu.

33Agho Abaisiraeli baakyuka, baagema engira eja e Bashani. Kyabazinga Ogi ow’e Bashani yaavaayo n’abantu be boonaboona okulwanisa Abaisiraeli mu Edurei. 34Aye Musengwa Katonda yaakoba Musa ati: “Otamutya, ndidha kukugha obughanguzi, omughangule n’abantu be boonaboona n’ekiketezo kye kyonakyona. Oidha kumukolaku nga bwe wakola ku kyabazinga Sihoni ow’Abamori eyafugiranga mu Heshiboni.” 35Kale Abaisiraeli baita Ogi ni batabane be n’abantu be boonaboona, aghazira kulekaghooku waire muntu mulala ati, era baamala baanhaga ekiketezo kye, kyaba kyaibwe.