Swahili Bible2

18

Amateeka agagema ku bufumbo

1Musengwa Katonda yaalagira Musa ati: 2“Kobera Abaisiraeli oti: Ninze Musengwa Katonda, Katonda waimwe. 3Muteebisanga ng’abantu ab’e Misiri ye mwabanga, oba ng’abantu ab’omu nsi Kanaani, ye ndi kubatwala. Mutajiiranga ku mpisa dhaibwe. 4Mugonderenga amateeka gange, era mukolenga bye mbalagira. Ninze Musengwa Katonda waimwe. 5Agho ni mugemenga amateeka n’ebiragiro bye mbagha. Anaabituukirizanga, anaabanga mulamu. Ninze Musengwa Katonda.18:5: Neh 9:29; Ezek 18:9; 20:11-13; Luk 10:28; Rom 10:5; Gal 3:12

6“Ghatabangagho ku imwe aseeta eri muntu amuliku luganda n’aba naye mu buliri. Ninze Musengwa Katonda. 7Otawemulanga lata wo ng’oba n’inhoko mu buliri. Oyo ni inhoko, otamuwemulanga. 8Otawemulanga lata wo ng’oba n’owundi ku bakazi be mu buliri. 9Otabanga na mwanhoko mu buliri, waire mwanhoko ku lata wo ow’omukazi owundi, oba mwanhoko ku inhoko ow’omusaadha owundi, k’abe nga yakulira ghalala n’iwe ghaka, oba nga yakulira ghandi. 10Otabanga na mwana wa mutabane wo mu buliri, oba owa mughala wo, kuba agho oba oghemwike. 11Otabanga na mughala wa muka lata wo mu buliri, kuba yeena mwanhoko. 12Otabanga na songa wo mu buliri, kuba mwanhina lata wo.18:12-14: Lev 20:19-20 13Otabanga na muganda wa inhoko, mu buliri, kuba yeena inhoko. 14Otabanga na muka muganda wa lata wo mu buliri. Oyo yeena aba inhoko. 15Otabanga na muka mutabane wo mu buliri,18:15: Lev 20:12 16era otabanga na muka muganda wo mu buliri.18:16: Lev 20:21 17Otabanga na mukazi mu buliri, kabiri n’omala n’oba na mughala we mu buliri, oba mughala wa mutabane we, oba mughala wa mughala we. Ekyo kiive, kuba abo bakuliku obuko.18:17: Lev 20:14; Ma 27:23 18Otabayizanga muganda wa mukazi wo n’aba mughalikwa we.

19“Otabanga na mukazi mu buliri ng’ali mu biseera bye eby’okulwala, kuba abalibwa obutaba mulongoofu.18:19: Lev 20:18 20Otabanga na muka beene mu buliri. Ekyo kikufuula atali mulongoofu.18:20: Lev 20:10 21Otaghangayo waire omulala ku baana bo, okukozesebwa mu kusinza omusambwa Moleki,18:21 Omusambwa Moleki: Gwogerwaku ghano mu mateeka agagema ku bufumbo, kuba mu mikolo egy’okusinza omusambwa guno mwabangamu ebigemagana n’obwenzi. Kiboneka ng’oti ni mu 19:29 era byene ebyo n’ebyogerwaku. n’ovumagania eriina lya Katonda wo. Ninze Musengwa Katonda.18:21: Lev 20:1-5 22Otabanga na musaadha mwino mu buliri, mu nsambo abasaadha ye babaamu n’abakazi. Ekyo kyenhinhalwa.18:22: Lev 20:13 23Omusaadha oba omukazi atabanga na nsolo, mu nsambo abasaadha ye babaamu n’abakazi mu buliri. Obudankaanu obwo bumufuula atali mulongoofu.18:23: Kuv 22:19; Lev 20:15-16; Ma 27:21

24“Mutakolanga ekindi ku bintu ebyo waire ekirala kiti, kuba kibafuula abatali balongoofu. Ebyo byonabyona n’ebyafuula abantu abamaghanga agandi agatantya okuba abatali balongoofu, ge ndi kubinga mu nsi eno okuleetamu imwe. 25Ebikolwa byaibwe byafuula ensi eno obutaba nongoofu, kye nva ndi kubabonereza nga mbabingira kuliya okubamaliramu irala. 26-27Abantu abo baakolanga ebyenhinhalwa ebyo byonabyona, baaleetera ensi obutaba nongoofu. Aye imwe mutabikolanga. Mwenamwena Abaisiraeli n’abasenze abaasenga mu imwe, mugemenga amateeka n’ebiragiro byange, 28mulobe kubingibwa mu nsi eno ng’oti n’abantu abamaghanga abaabasooka okugibaamu bwe baagireetera obutaba nongoofu ni babingibwamu. 29Kuba kiisi anaakolanga ekyenhinhalwa kyonakyona ku ebyo, anaabanga nga takaabalirwa mu bantu bange.

30“Kale mugonderenga bye mbalagira, mulobenga kujiiranga ku mpisa edho edheenhinhalwa, edh’abo abaabasooka okuba mu nsi eno, era mulobenga kwereetaku butali bulongoofu nga mukola ebyo. Ninze Musengwa Katonda waimwe.”