Swahili Bible2

EKITABO KYA MUSA EKYOKUBIRI EKYETEBWA

OKUVAAYO

Enhandhula

Kino n’ekitabo ekiinhonhola okuvaayo okw’Abaisiraeli mu Misiri ye baali bajiire eby’obulungi, aye ni babafuulirayo abairu. Ekitabo kino kirimu ebimega ebikulu nga bina. 1. Abaisiraeli okufuulibwa abairu. 2. Okulekulwa kwaibwe okuva mu bwiru, n’olugendo lwaibwe olwabatuusa ku lusozi Sinai. 3. Endagaano ya Katonda n’abantu be, ye yakolera ku lusozi olwo n’amateeka agabagalagira ensambo ey’okwebisaamu obukalamu eri Katonda n’eri bantu banaibwe. 4. Okuzimba ekifo eky’okusinzizangamu, n’amateeka agafuga ensinza ni bakabona.

Ekisinga byonabyona obukulu ni kino nti ekitabo kino kiinhonhola ebintu Katonda bye yakola ng’ali kugha eidembe abantu abaali bafuulibwa abairu, era ni bweyabafuulamu eighanga eriri n’eisuubi mu biseera eby’omu maiso.

Omuntu asinga kwogerwaku mu kitabo kino, ni Musa, omuntu Katonda ye yalonda okukulemberamu abantu be nga bavaayo mu Misiri. Era ekimega ekisinga kumanhibwa mu kitabo kino, n’ekyo ekirimu amateeka eikumi, ekiri mu mutwe ogwamakumi abiri.

Ebirimu nga bwe biiraganwaku

Abaisiraeli balekulwa okuva e Misiri 1:1—15:21

a. Abaisiraeli bafuulibwa abairu 1:1-22

b. Okuzaalibwa kwa Musa era n’ebiseera bye ebyasooka 2:1—4:31

c. Musa ni Aaroni nga bali mu maiso ga kyabazinga ow’e Misiri 5:1—11:10

d. Okubitizibwa n’okuvaayo e Misiri 12:1—15:21

Olugendo okuva ku Nhandha Emyufu okutuuka ku lusozi Sinai 15:22—18:27

Amateeka n’endagaano 19:1—24:18

Ensambo ey’okusinzaamu, n’ekifo agh’okusinziza 25:1—40:38