Swahili Bible2

20

Ebiragiro eikumi

(Ma 5:1-21)

1Agho Katonda yaayogera ebibono bino 2ati: “Ninze Musengwa Katonda waimwe, eyabatoola mu Misiri ye mwali nga mukola obwiru.

3“Mutasinzanga katonda wundi okutoolaku nze.

4“Muteekoleranga kibaadhe oba kiwumbe ekifaanana ekintu kyonakyona ekiri ghaigulu ku igulu, oba ghansi ku nsi, oba waire ekiri mu maadhi agali ghansi agh’ensi.20:4-5: Kuv 34:17; Lev 19:4; 26:1; Ma 4:15-18; 27:15 5Ebintu ebyo mutabisinzanga, kuba nze Musengwa Katonda waimwe ndi wa nkikidi ku bantu bange. Abo abankyagha mbabonereza, era naabonereza n’abaana baibwe, n’abaidhukulu, okutuukira irala ku luse olwokusatu n’olwokuna.20:5-6: Kuv 34:6-7; Kub 14:18; Ma 7:9-10 6Aye abantu enkumi n’enkumi abangonza, ni bagondera ebiragiro byange, mbooleka okugonza okutakoma.

7“Mutakozesanga liina lyange nze Musengwa Katonda waimwe mu bya matamatama, kuba tija kuloba kubonereza oyo yeenayeena akozesa eriina lyange obubi.20:7: Lev 19:12

8“Muteerabiranga kukuza lunaku lwa Sabbato nga lutukuvu.20:8: Kuv 16:23-30; 31:12-14 9Muli n’enaku mukaaga edh’okukolerangaku emirimo gyaimwe gyonagyona.20:9-10: Kuv 23:12; 31:15; 34:21; 35:2; Lev 23:3 10Aye olunaku olwomusanvu, lwa Sabbato yange nze Musengwa Katonda waimwe. Olwo mutalukolerangaku mulimo gwonagwona waire imwe beene, waire batabane baimwe, waire baghala baimwe, waire abairu baimwe abasaadha oba abakazi, waire ensolo dhaimwe, era waire abasenze be musuza; 11kuba mu nnaku omukaaga nze Musengwa Katonda nakola eigulu, n’ensi, n’enhandha n’ebirimu byonabyona, naawuumula ku lunaku olwomusanvu. Kye nava ni ndugha enkabi era ni ndutukuza.20:11: Mainh 2:1-3; Kuv 31:17

12“Balata baimwe ni bainhaimwe mubaghenga ekitiibwa, olwo mughangaale enaku kamaala mu nsi nze Musengwa Katonda waimwe ye ndi kubagha.20:12: Ma 27:16; Mat 15:4; 19:19; Mar 7:10; 10:19; Luk 18:20; Efe 6:2, 3

13“Mutatemulanga.20:13: Mainh 9:6; Lev 24:17; Mat 5:21; 19:18; Mar 10:19; Luk 18:20; Rom 13:9; Yak 2:11

14“Mutayendanga.20:14: Lev 20:10; Mat 5:27; 19:18; Mar 10:19; Luk 18:20; Rom 13:9; Yak 2:11

15“Mutaibanga.20:15: Lev 19:11; Mat 19:18; Mar 10:19; Luk 18:20; Rom 13:9

16“Mutaghanga ku muntu budhulizi bwa bulimba.20:16: Kuv 23:1; Mat 19:18; Mar 10:19; Luk 18:20

17“Muteegwanizanga ndhu dha bantu bandi. Muteegwanizanga baka beene, waire okwegwaniza abairu baibwe abasaadha oba abakazi, waire ente dhaibwe, oba endogoyi dhaibwe, oba ebintu byaibwe ebindi byonabyona.”20:17: Rom 7:7; 13:9

Abantu batya inho

(Ma 5:22-33)

18Abantu boonaboona bwe baawulira okutyabuka okw’olukuba n’okuvuga okw’endeka, ni babona n’okumyansa okw’olukuba, n’olusozi nga luli kunioka omwosi, baatya inho baadhugumira era baayemerera ere ghalaku.20:18-19: Heb 12:18-19 19Baakoba Musa bati: “Iwe yogera n’ife twidha kuwulira, aye Katonda atayogera n’ife, kuba tusobola okufa.” 20Musa yaakoba abantu ati: “Mutatya, kuba Katonda aidhie kubaleba, n’okubongeramu okumutya, mulobe kwonoona.” 21Era abantu baasigala nga bakaayemereire ghala, aye Musa ng’ali kuseeta y’ekire ekigemu Katonda mwe yali.

Amateeka agagema ku kuzimba alutaari

22Agho Musengwa Katonda yaalagira Musa okukoba abantu Abaisiraeli ati: “Muboine nze Musengwa Katonda bwe ndhogeire n’imwe nga ndi mu igulu. 23Mutakolanga bakatonda mu feeza ni mubasinziza ghalala ninze, waire okwekolera bakatonda mu zaabu. 24Nzimbira alutaari ey’eitaka era ogheereyo ku alutaari okwo entaama, oba embuzi, oba ente, ng’ekigheebwayo ekyokebwa, era n’ekigheebwayo olw’okutabagana. Mu kifo kyonakyona kye nnaasalangagho okunsinzizaamu, ndidha kwidhanga nkughe enkabi. 25Bw’onzimbira alutaari ey’amabaale, otakozesanga mabaale mabaadhe bw’ogabaadhaku ogafuula agatagwaniire kuzimba alutaari ya kunsinzizangaku.20:25: Ma 27:5-7; Yosh 8:31 26Otakolanga alutaari yeetaaga kuniinaku na madaala, kuba osobola okughemukiraku omubiri.”